ستاندەر
مامۆستایەكی زانكۆ لە هەولێر لە پەیامێكدا كە ئاراستەی مستەفا كازمی، سەرۆك وەزیرانی عێراقی كردووە داوای لێدەكات لەبارەی چارەنووسی مووچەی فەرمانبەرانی هەریم بڕیاری یەكلاكەرەوە بدات.
د.رەعد رەفعەت، مامۆستای زانكۆی سەڵاحەدیین لەژێرناونیشانی (بانگەوازێك لە گەلی كوردەوە) پەیامێكی ئاراستەی سەرۆك وەزیرانی عێراق كردووە داوای گواستنەوەی راژەی فەرمانبەران بۆ بەسەر بەغدا دەكات و لە بەشێكی پەیامەكە هاتووە:” پابه‌ندكردنى حكومه‌تى هه‌رێمى كوردستان به گواستنه‌وه‌ى فه‌رمان‌به‌ره‌كانى له رووى كارگێڕیى و داراییه‌وه بۆ وه‌زاره‌ته‌كانى حكومه‌تى فیدڕالیی و جێگیركردنى ئه‌مه‌ش له رێی ئه‌و رێككه‌وتنه‌ى به‌نيازن ئه‌نجامى بده‌ن، به‌مه‌ش قووتى فه‌رمانبه‌رانى هه‌رێم دێته‌ده‌ر له ململانێ سیاسییه‌كان و گه‌نده‌ڵییش بنه‌بڕ ده‌كرێت”.
دەشلێت :” دواى بێ ئومێد بوونى گه‌لی كورد له سه‌ركرده گه‌نده‌ڵه‌كان، چاویان بڕیوه‌ته سه‌ر چاره‌سه‌رێكى خێرا و دادپه‌روه‌رانه كه گونجاو و پڕ به‌پێستى قه‌باره‌ى ئه‌و كاره‌سات و مه‌رگه‌ساته مرۆییانه بێت كه كورده‌كان له هه‌رێمه‌كه‌ى خۆیان به‌سه‌ریان دێت، هه‌ر له‌به‌ر ئه‌مه‌ش هه‌ندێك پێشنیار پێشكه‌شی به‌ڕێزتان ده‌كه‌ین به‌ڵكو هه‌نگاوێكى خێراى لێوه به‌رهه‌م بێت بۆ پێدانى راسته‌وخۆى مووچه‌ى فه‌رمانبه‌رانى هه‌رێم له لایه‌ن حكومه‌تى فیدڕالییه‌وه”.
دەقی پەیامەكە بەرهەردوو زمانی كوردی و عەرەبی بخوێنەوە
بانگه‌وازێك له گه‌لى كورده‌وه
بۆ به‌ڕێز/ موسته‌فا كازمی سه‌رۆكى ئه‌نجومه‌نى وه‌زیرانى عێراق
رێز و سڵاو…
به‌ڕێز سه‌رۆكى حكومه‌ت، له دۆخێكدا ئه‌م نامه‌یه‌تان ئاراسته ده‌كه‌م په‌تاى كۆڕۆنا كۆتایی به گیانى به‌شێك له گه‌لی كورد هێناوه، هه‌روه‌ها برسییه‌تى و پێویستى رۆژانه شكۆ و رێزى شكاندووه.
ئێمه وا نیوه‌ى یه‌كه‌مى ئه‌م ساڵه‌مان تێ په‌ڕاند، كه‌چی فه‌رمانبه‌رانى هه‌رێمى كوردستان ته‌نها یه‌ك مووچه‌یان وه‌رگرتووه. ئه‌م هه‌ژارى و نه‌دارى و سكگوشینه‌ى فه‌رمانبه‌ران له ئه‌نجامى وشكه ساڵی و نه‌هاتى دروست نه‌بووه، هه‌روه‌ها له‌به‌ر كه‌می سامانه سروشتییه‌كانى له نه‌وت یان غاز، یاخود له كورتهێنانى ئه‌و سامانه نیشتیمانییه‌ى كه خواى گه‌وره به‌خشیویه‌تییه كوردستان په‌یدانه‌بووه، به‌ڵكو سه‌رچاوه‌كه‌ى ئه‌و تاقمه دز و چه‌تانه‌ن كه حوكمڕانى كوردستان – سیسته‌مى كلیپتۆكراسی – و دامه‌زراوه‌كانى ده‌كه‌ن، و به ته‌نها ده‌ستیان به‌سه‌ر سامان و داهاته‌كانى داگرتووه و كه‌سانى شایسته‌یان لێ بێ به‌شكردوون.
به‌ڕێز سه‌رۆكى حكومه‌ت، گومانى تێدانییه ئێوه له خه‌م و كۆژانى بێوه‌ژن و هه‌تیو و كرێكار و فه‌رمانبه‌رانى هه‌رێم ئاگادارن، به‌ڵام ئه‌وه‌ى سه‌یر و سه‌مه‌ره‌یه ئه‌و چاوپۆشی كردنه‌یه له‌و هه‌موو سته‌مانه‌ى كه ده‌كرێن، وه‌كو ئه‌وه وایه كه ئێوه ته‌نها به‌رپرسیارییه‌تى نه‌ته‌وه و ناوچه و گه‌لێكى تایبه‌ت و دیاریكراوتان له ئه‌ستۆبێ و په‌یوه‌ندیتان به‌وانى تره‌وه نه‌بێت!
سه‌رۆكى به‌ڕێز، بێگومان ژیانى خه‌ڵك و شكۆ و رێزیان له‌لاى خواى گه‌وره و خاوه‌ن ویژدان زیندووه‌كان زۆر پیرۆزتره له بوونى هه‌ندێك به‌ربه‌ستى یاسایی و زۆرێك له به‌رژه‌وه‌ندى حیزبی و ده‌سته‌و تاقمێك كه ته‌نها هه‌ڵپه‌ى به‌ده‌ستهێنانى سه‌روه‌رى و شكۆى كه‌سی خۆیانن، بۆیه داوا له به‌ڕێزتان ده‌كه‌ین لێپێچینه‌وه له به‌رپرسیارانى نه‌مان و به تاڵانبردنى ئه‌و هه‌موو پاره زه‌به‌لاحه له داهاته ناوخۆیی و ده‌ره‌كییه‌كان بكرێت كه هاتۆته ناو هه‌رێمى كوردستان و له‌و پاره‌یه‌ش كه حكومه‌تى عێراقی بۆ هه‌رێمى كوردستان ره‌وانه ده‌كات، هه‌روه‌ها داواى ده‌ستێوه‌ردانى خێرا و راسته‌وخۆتان لێ ده‌كه‌ین بۆ كۆتایی هێنان به‌و سیاسه‌تى برسی كردنه‌ى كه ئه‌م تاقمه له كوردستان پیاده‌ى ده‌كه‌ن و پشت ئه‌ستووریشن له‌و بێ ده‌نگیی و خه‌مساردییه‌ى حكومه‌تى فیدراڵیی، هه‌ڵبه‌ته ئه‌و بێ لایه‌نییه نه‌رێنییه‌ی ئێوه واتان لێ ده‌كات كه ئێوه‌ش له داهاتوو به‌شدارى ئه‌و تاوانانه بن و پشتگیرى سته‌مكاران بن، به پێچه‌وانه‌ى ئه‌مه‌ش، ئه‌گه‌ر هاوكارى و پشتگیرى گه‌لی كورد بكه‌ن له‌م قۆناغه‌دا، ئه‌وا مێژووێكى پڕشنگدار له رێز و گه‌وره‌یی بۆ خۆتان تۆمار ده‌كه‌ن.
له كۆتاییدا، دواى بێ ئومێد بوونى گه‌لی كورد له سه‌ركرده گه‌نده‌ڵه‌كان، چاویان بڕیوه‌ته سه‌ر چاره‌سه‌رێكى خێرا و دادپه‌روه‌رانه كه گونجاو و پڕ به‌پێستى قه‌باره‌ى ئه‌و كاره‌سات و مه‌رگه‌ساته مرۆییانه بێت كه كورده‌كان له هه‌رێمه‌كه‌ى خۆیان به‌سه‌ریان دێت، هه‌ر له‌به‌ر ئه‌مه‌ش هه‌ندێك پێشنیار پێشكه‌شی به‌ڕێزتان ده‌كه‌ین به‌ڵكو هه‌نگاوێكى خێراى لێوه به‌رهه‌م بێت بۆ پێدانى راسته‌وخۆى مووچه‌ى فه‌رمانبه‌رانى هه‌رێم له لایه‌ن حكومه‌تى فیدڕالییه‌وه:
- پابه‌ندكردنى حكومه‌تى هه‌رێمى كوردستان به گواستنه‌وه‌ى فه‌رمانه‌به‌ره‌كانى له رووى كارگێڕیى و داراییه‌وه بۆ وه‌زاره‌ته‌كانى حكومه‌تى فیدڕالیی و جێگیركردنى ئه‌مه‌ش له رێی ئه‌و رێككه‌وتنه‌ى به‌نيازن ئه‌نجامى بده‌ن، به‌مه‌ش قووتى فه‌رمانبه‌رانى هه‌رێم دێته‌ده‌ر له ململانێ سیاسییه‌كان و گه‌نده‌ڵییش بنه‌بڕ ده‌كرێت.
- ئه‌م پڕۆژه‌یه به قۆناغبه‌ندى (6 – 18) مانگ ده‌خایه‌نێت.
- كاراكردنى یاسا و ئه‌نجومه‌نى ڕاژه‌ى گشتى فیدڕالیی ژماره (4) بۆ ساڵی 2009 لقی هه‌رێمى كوردستان بۆ وردبینى كردنى دۆسییه‌كانى فه‌رمانبه‌ران و جیاكردنه‌وه‌ى فه‌رمانبه‌رانى راسته‌قینه له (بندیواره‌كان).
- گواستنه‌وه‌ى ڕاژه‌ى فه‌رمانبه‌رانى وه‌زاره‌ته شارستانى و خزمه‌تگوزاریه‌كانى هه‌رێم بۆ میلاكى وه‌زاره‌ته‌كانى فیدڕالیی به قۆناغبه‌ندى.
- بڕینى ته‌مویلی مووچه‌ى فه‌رمانبه‌رانى گواستراوه له هه‌رێم بۆ سه‌ر میلاكی وه‌زاره‌ته‌كانى فیدڕالیی له بودجه‌ى حكومه‌تى هه‌رێم.
- كردنه‌وه‌ى لقه‌كانى بانكی حكومه‌تى فیدڕالیی له هه‌رێم بۆ ئاسانكارى پڕۆسه‌ى پێدانى مووچه‌ى فه‌رمانبه‌ران.
له‌گه‌ڵ ئه‌وپه‌ڕى سوپاس و پێزانینمان…..
پرۆفسۆرى یاریده‌ده‌ر دكتۆر ره‌عد ره‌فعه‌ت موحه‌ممه‌د
مامۆستا له زانكۆى سه‌لاحه‌ددین/ هه‌ولێر
26/6/2020
تێبينى// ئه‌م نامه‌يه رۆژى 26/6/2020 ئاراسته‌ى مسته‌فا كازمى سه‌رۆك وه‌زيرانى عێراق كراوه.
نداء من الشعب الكوردي
إلى السيد/ مصطفى الكاظمي رئيس مجلس الوزراء العراقي المحترم
تحية طيبة...
سيادة رئيس الحكومة، أتوجّه إليكم بهذه الرسالة في ظروف تخطف جائحة كورونا أرواح الشعب الكوردي، والخَمَص والعوز يقضيان على إبائه وشكيمته.
وها نحن نتجاوز النصف الأول من هذه السنة ولم يتسلم موظفوا إقليم كوردستان غير راتب واحد. وهذا الإملاق وهذه المخمصة لم ينجما عن جدب، أو نقص في الموارد الطبيعية من نفط أو غاز، أو شحة في الثروات الوطنية التي حباها الله كوردستان، وإنما مَبْعَثها حفنة من اللصوص تحكم باسم كوردستان -نظام كلِبتوقراطي- ومؤسساتها، وتستأثر بثرواتها وتحرمها على مستحقيها.
سيادة الرئيس، لا أشك أنكم تعرفون بؤس أرامل ويتامى وعمال وموظفي الإقليم وشقائهم، ولكن العجب العجاب من إغضاء الطرف عن كلّ هذه المظالم وكأنكم مسؤولون فقط عن قوم دون قوم، أو منطقة دون أخرى، أو شعب دون شعب آخر.
سيادة الرئيس، إن حيوات الناس وكرامتهم أعظم قداسة عند الله وعند أصحاب الضمائر الحية من بعض العوائق القانونية وكثير من المصالح الحزبية والفئوية وشيء من المجد الشخصي، فنهبوا بسيادتكم مساءلة المسؤولين عن فقدان الأموال الطائلة التي دخلت الإقليم من الإيرادات الداخلية والخارجية وتمويل الحكومة الاتحادية، ونطالبكم بالتدخل المباشر والسريع لإنهاء سياسة التجويع التي تمارسها هذه الزمرة في كوردستان وتؤازرها صمت الحكومة الفدرالية و وُجُومها. فلا ريب أن حيادكم السلبي هذا سيجعل منكم شركاء في الجُرم ونصيرا للظالمين. وعلى نقيض هذا، ستسجلون سيادة وسموا واحتراما في تاريخكم بإعانتكم للشعب الكوردي في هذه المرحلة.
وأخيرا، بعد أن يأس الشعب الكوردي من قياداته الفاسدة ترنو أعينهم لحل عادل وعاجل يتلاءم وحجم الكارثة الإنسانية التي يمر بها الكورد في إقليمهم؛ ولهذا أقدم لسيادتكم بعض المقترحات عسى ان تثمر بإسراع خطى دفع رواتب موظفي الإقليم مباشرة من الحكومة الفدرالية:
1- إلزام حكومة إقليم كوردستان بنقل موظفيه إداريا وماليا إلى الوزارات الاتحادية وتثبيت ذلك في الاتفاق المزمع عقده بين الطرفين، وبهذا تخرج أقوات موظفي الإقليم من الصراعات السياسية وقطع دابر الفساد.
2- هذا المشروع قد يستغرق (6-18) شهرا على مراحل.
3- تفعيل قانون ومجلس الخدمة العامة الاتحادي رقم (4) لسنة 2009 فرع إقليم كوردستان لتدقيق ملفات الموظفين وإفراز الحقيقيين من (الفضائيين).
4- نقل خدمات موظفي الوزرات المدنية والخدمية في الإقليم لملاك الوزرات الاتحادية على مراحل.
5- استقطاع تمويل رواتب الموظفين المنقولين من الإقليم إلى الوزارات الاتحادية من ميزانية حكومة الإقليم.
6- فتح فروع من مصارف الحكومة الاتحادية في الإقليم لتسهيل عملية دفع رواتب الموظفين.
مع فائق الشكر والتقدير…
الأستاذ المساعد الدكتور رعد رفعه محمد
مدرس بجامعة صلاح الدين/ أربيل
26/6/2020