كاریگەری رێكەوتنی پەنجا ساڵە لەگەل توركیا لەسەر رێكەوتنی هەرێم و بەغدا ئاشكرادەكرێت

لەلایەن ستاندار Posted on 284 جار بینراوە

ستاندەر

هۆشیار عەبدولڵا، ئەندامی ئەنجومەنی نوێنەرانی عێراق لە فراكسیۆنی گۆڕان رایدەگەیەنێت:”رێککەوتنی پەنجا ساڵەی نێوان بنەماڵەی بارزانیی و بنەماڵەی ئەردۆگان لەسەر نەوتی هەرێم بۆتە رێگری سەرەکی لە رێککەوتنی نێوان هەرێم و بەغدا،حکومەتەکەی مەسرور بارزانیی دەیەوێ داهاتی ئەو بڕە نەوتە بداتە بەغدا کە داوای دەکا نەک نەوتەکە،چونکە لە بنەمادا نەوتی هەرێم بەو رێکەوتنە زیاتر لە دەستی تورکیادایە.‬”

دەقی وتارەكەی هۆشیار عەبدولڵا بخوێنەوە:

رێککەوتنە پەنجا ساڵییەکە هۆکارە

هەرێم بۆ بەغداد؛
داهاتەکەی رادەست دەکەین نەک نەوتەکە..!

رێککەوتنی پەنجا ساڵەی نێوان بنەماڵەی بارزانیی و بنەماڵەی ئەردۆگان لەسەر نەوتی هەرێم بۆتە رێگری سەرەکی لە رێککەوتنی نێوان هەرێم و بەغدا،حکومەتەکەی مەسرور بارزانیی دەیەوێ داهاتی ئەو بڕە نەوتە بداتە بەغدا کە داوای دەکا نەک نەوتەکە،چونکە لە بنەمادا نەوتی هەرێم بەو رێکەوتنە زیاتر لە دەستی تورکیادایە.‬

‫هەندێک کەس و لایەن وشەی چاکسازییان کردۆتە بنێشتە خۆشەی سەر زمانیان بێ ئەوەی جورئەت بکەن باس لە چاکسازی مەلەفی نەوت بکەن.‬

‫بە بێ چارەسەری دۆسێی نەوت و رێککەوتنێکی کۆنکریتی لەگەڵ بەغدا هەر قسەیەک لە چاکسازی درۆیەکی گەورە و خۆ خەڵەتاندن و خەڵک خەڵەتاندنە.‬

‫ئاشکرا کردنی داهاتی راستەقینەی نەوت،ئاشکرا کردنی ناوەرۆکی رێککەوتنە پەنجا ساڵیەکە بۆ پەرلەمانی کوردستان و رایگشتی شەو و رۆژ و هەفتە و مانگی ناوێ ئیرادە و ئازایەتی پێداگری و دەرچون لە گرێی دوونیەت(خۆ بەکەمزانی)هێزەکانی دەرەوەی پارتی دەوێ کە بەداخەوە نیانە.

نەوتی هەرێم لە چەند ساڵی رابردودا هۆکاری سەرەکی نەهامەتی و برین و نەبون و پاشەکەوتی زۆرەملێی موچە بوە جگە لەوەی نەوت سەرچاوەی سەرەکی گەندەڵی و هەڵتەکاندنی عەدالەتی کۆمەڵایەتی و دامەزراندنی ئیمپراتۆریەتی ئەمنی و ئیعلامی گروپ و خێزانە سیاسیەکان بوە لە هەرێمدا دەبێ چارەسەر لە دۆسێی نەوتەوە دەست پێ بکا.

پارتیی لەگەڵ تورکیا بۆ پەنجا ساڵ هەموو نەوتی هەرێمی خستۆتە گێژاوی رێککەوتنێکی نادیارەوە لای خەلکیش چاکسازی یەکسان کردوە بەوەی کێ خانەنشینی رەتدەکاتەوە و کێ رەتی ناکاتەوە(من دژی هیچ هەنگاوێک نیم بۆ چاکسازی هەر چەند بچوک بێ دەستخۆشی زۆریشم هەیە بۆ ئەوانەی رەتیانکردەوە بەڵام لەبری ئەو بەزمی رەتکردنەوە و رەتنەکردنەوەیە قانونی خانەنشینی عێراقیان جيەجێبکردایە ئێجگار باشتر بوو)

ئەگەر پەرلەمانتارە ئازاکانی کوردستان و ئەو حزبانەی گوایە بۆ چاکسازی لە حکومەتدان بەجدی مەبەستیانە هەنگاوێكی ریشەیی سەرپێ بخەن بۆ گۆرانکاری وچاکسازی با داوای ئاشکراکردنی ناوەرۆکی رێککەوتنە پەنجا ساڵییەکە بکەن لە پارتیی،ئاخر کەی رەوایە نەوتی هەرێم،کە موڵکی ئەم نەوەیە و نەوەکانی ئایندەیە حزب و بنەماڵەیەک ئاوا بیخاتە قومارەوە ؟!

سی ساڵە خەڵک تەحەمولی کردوە و چاوەرێی باشترە لەو دەسەڵاتە کوردییە!کەچی لەبری چاکسازی ساڵ دوای ساڵ خراپتر بوە و دەبێ،هێشتاش پێتان وایە خەڵک پەلەیەتی؟!

سی ساڵە خەڵک چاوەرێی چاکسازییە کەچی ئاگاداری ناوەرۆکی ئەو رێککەوتنە نیە کە نەوتی هەرێمەکەی پێ دیزە بە دەرخۆنە کراوە،دەی ئەگەر راست دەکەن و ئیرادە هەیە بۆ چاکسازی؛ #رێککەوتنە_شومە_پەنجا_ساڵییەکە ئاشکرا بکەن بۆ ئەو پەرلەمانەی کە خۆتان تیایدا(هەرچۆنێک بێ!) زۆرینەن!

هۆشیار عەبدوڵا

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.