ستاندەر
هاوپەیمانی نەسر سەر بە حەیدەر عەبادی سەرۆك وەزیرانی پێشووی عێراق داوادەكات لە رێوشوێنەكانی كۆنترۆڵكردنی دەروازە سنوریەكان هەرێمی كوردستانیش بخرێتەناوپرۆسەكە.
هاوپەیمانی نەسر لە راگەیەنراوێك ، پشتیوانی بۆ رێوشوێنەكانی مستەفا كازمی سەرۆك وەزیران بۆ كۆنترۆڵكردنەی دەروازە سنوورییەكانی عێراق راگەیاند و داوا دەكات هەرێمی كوردستانیش بگرێتەوە.
لەبەشێكی راگەیەنراوەكە وەك ئاماژەیەك بۆ هەرێمی كوردستان رایدەگەیەنێت پێویستە ئەو بڕیارە سەرجەم دەروازەكانی وشكانی، دەریایی و ئاسمانییەكان بگرێتەوە لە باكوورەوە تا باشووری عێراق، بگرێتەوە.
زیاتر دەلێت:” سەروەری دەوڵەت بەش بەش ناكرێت و پێویستە حكومەتی فیدراڵی دەسەڵاتە دەستوورییەكانی لە سەرتاسەری خاكی عێراق پیادە بكات، ئەویش لە پێناو پاراستنی یەكپارچەیی و سەروەرییەكە لە بێسەروبەری و لەیاسادەرچوون و ڕاوڕووت”.