ستاندەر
لەبارەی گرژیەكانی چەند رۆژی پێشمەرگە و سوپای عێراق جێگری سوپاسالاری پێشمەرگە ئەو ڕێككەوتنەی بە سەرەتایەكی باش وەسفكرد بۆ ڕێككەوتن لەبارەی شوێنەكانی دیكەش و لە ھەر شوێنێك بۆشایی ئەمنیی ھەبێت، بە ھێزی ھاوبەشی پێشمەرگە و سوپای عیراق پڕ بكرێتەوە.
لیوا قارەمان كەمال جێگری سوپاسالاری پێشمەرگە بە ماڵپەڕی فەرمی پارتی ڕاگەیاند دوای ئەوەی ھێزێكی عیراقی ٥٠٠ مەتر لە ھێزی پێشمەرگە نزیك بوونەوە و نەكشانەوە، ئێمە پەیوەندیمان بە بەغداوە كرد كە پێویستە ئەو ھێزانە بكشێنەوە، بۆیە بەپێی ڕێككەوتنێك لە نێوان وەزارەتی پێشمەرگە و وەزارەتی بەرگریی عیراق، ئەو كێشەیە چارە كرا.
دەشلێت “بڕیاردرا ئەو ھێزانە بەھاوبەشی لەگەڵ ھێزی پێشمەرگە لەو ناوچە بڵاوبكرێنەوە كە ھەردوو ھێزی پێشمەرگە و سوپای عیراقی دەیانویست بچنە ئەو شوێنانە و بۆشایی ئەمنی هەبوو، بەڵام لە ئێستادا ئەو بۆشاییە ئەمنییە پڕ كرایەوە بە رەزامەندی ھەردوولا، ئەمەش لە قازانجی ھەردوولا دایە.