“ڕێكەوتنی هەرێم و بەغدا تەنها لەسەر یەك خاڵ ماوە دواتر مووچە دەنێردرێت”

لەلایەن ستاندار Posted on 225 جار بینراوە

ستاندەر

ئەحمەد سەفار پەرلەمانتاری پارتی لە ئەنجومەنی نوێنەرانی عێراق رایدەگەیەنێت دوای پەسەندكردنی یاسای قەرزی دەرەكی و ناوخۆیی لە پەرلەمانی عێراق ئێستا حكومەتی عێراق دەستی بەقەرزی ناوخۆیی كردووە بۆ ئەوەش هەشت تریلیۆن دیناری لە بانكی ناوخۆیی و حەوت ترلیۆن دیناریشی لە بانكە ناوخۆییەكان قەرزكردوە، دەشلێت رێكەوتنی هەرێم و بەغدا تەنها لەسەر ئەوە ماوە كە بەغدا چەند پارە بۆ هەرێم دەنێرێت.

ئەو پەرلەمانتارەی پارتی راشیگەیاندووە “حكومەتی ھەرێمی كوردستانیش بەشی لەو قەرزانە ھەیە، بەڵام پێویستە رێككەوتن لە نێوان ھەرێم و بەغدا بكرێت و بڕیارە حكومەتی ھەرێم و بەغدا بۆ ئەو پێنج مانگەی ماوە رێككەوتنێك بكەن و دواتر رێككەوتنێكی درێژخایەن بۆ ساڵانی داھاتو بكەن، بۆ ئەوەی بەردەوام كێشەكان دوبارە نەبنەوه”

ئەحمەد سەفار لەبارەی كیشەی نێوان هەرێم و بەغدا بۆ رێكەوتنی لە لێدوانەكە بۆ مالپەری فەرمی پارتی رایگەیاندووە  “بڕیارە حكومەتی ھەرێم بەشێكی نەوت و بەشێكی داھاتی ناوخۆ بداتە بەغداو ئەوانیش بڕێك پارە بدەنە ھەرێمی كوردستان تا كۆتایی ئەمساڵ بۆ موچەو، لە ئێستاشدا تەنھا لەسەر بڕی پارەكە ماوە بگەنە رێككەوتن و ھەركاتێك گەیشتنە رێككەوتن، موچەی ھەرێم رەوانە دەكرێت، چونكە ناكرێت ساڵانە ئەو كێشەیە دروست بێت و پێویستە رێژەیەك پارە بۆ ھەرێم دریاری بكرێت لەبەرامبەر ئەو مەرجانەی لەسەری دەگەنە رێككەوتن، بۆ ئەوەی ساڵانە بەشەبودجەی ھەرێمی كوردستان بێ كێشە رەوانە بكەن”

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.