ستاندەر
پەرلەمانتارێكی میسری هەواڵێكی ئاژانسی ئەنادۆڵی توركی لەبارەی ناردنی سوپای ئەو وڵاتە بۆ سوریا ڕەت دەكاتەوە، پێی وایە بۆ داپۆشینی كردەوە دوژمنكاریەكانی ئەو وڵاتەیە لە لیبیا.
مستەفا بكری، پەرلەمانتاری میسری رایگەیاندووە ئەوەی ئاژانسی ئەنادۆڵ بڵاویكردۆتەوە لەبارەی چونی سوپای میسر بۆ سوریا راست نیە، هەر ناردنێكی سوپای میسر لە رێگای پەرلەمانی میسری دەبێت. وتیشی ئەو هەواڵە بەهۆی ئیفلاسی سیاسی ئەردۆغانە.
پێشتر ئاژانسی ئەنادۆڵی توركی بڵاویكردەوە هێزێكی سوپای میسر بۆ شەڕ نێردراوەتە سوریا بەهاوكاری سوپای پاسدارانی ئێران.