لە دوڕیانی شکست و چاکسازیدا

لەلایەن ستاندار Posted on 205 جار بینراوە 0 سەرنج
PicsArt_08-10-10.22.54

پشتیوان جەمال

کەشتیەکەی حکومەتی هەرێم لەنێو دەریدا لەشەوەزەنگدا دەڕوات و هیچ ئاراستەیەکی دیارنیەو، با بە ئارەزوی خۆی جوڵەی پێدەکات و دراوەتە دەستی قەدەر هیچ یەکێک لە کاپتنەکانی نازانن لە کوێدا لەنگەر دەگرێت، بەبارێکی قورسی چاکسازیەوە بارکراوە، لە ناونیشاندا هەمویان خاوەنین، لە جێبەجێکردندا، هەموان هەوڵی خۆ دەربازکردن دەدەن لەترسی خنکان، خنکاندێک کە بە درێژایی نۆ کابینە نەجیبزادەکانی ناسیۆنالیزمی کوردایەتی.
دروشمەکانی چاکسازی زۆر لە قەبارەی هەرێم گەورە تربوو، عەرابەکەی وا دەبینرا ببێت بە “مهماتیر محەمەد” ی مالیزیاو هەرێمی کوردستان بگەیەنێتە گەشەسەندنێکی ستانداردی وڵاتان، عەرابەکەی زۆر بە دەنگێکی زوڵال و دەرون سوتاو بۆ میللەت باسی لەجێبەجێکردنی بڕگەکانی کارنامەکەی دەکردەوە، وەک فریادڕەسی گەندەڵی خۆی نیشان دەدا، بەڵام چیمان بینی و، قۆناغەکانی چاکسازی چۆن دەستی پێکرد؟!
لە جیاتی دەست بردن بۆ گێڕانەوەی سامانی گشتی، کە لە دەستی بنەماڵەو حیزبەکانیاندا، هەر لە  سامانی نەوت و  پارەی دزراوی گەل، بۆ بەگەڕخستنی کۆمپانیای زەبەلاح و، دواتر داگیرکردنی گردو تەپۆڵکەو، مۆنۆپۆلکردن دەروازە سنوورییەکان و بە تاڵان بردنی سەرمایەی سنورەکان، کە بۆ مەبەستی بەردەوامی دەسەڵاتیان بەشێک لە دراوی دزراوی ئەم گەلە، لەشکرێک لە بندیواری حزبیان پێک هێناوە، کە ساڵانێکە لە سەر حسابی موچەخۆری ڕاستەقینەی ئەم وڵاتە دەژین و… هتد، کەچی بەناوی چاکسازییەوە دەست دەبەن بۆ بڕینی موچەی چەوساوە ترین چینی ئەم وڵاتە کە فەرمانبەرانن، بە دوو مانگ و سێ مانگ جارێکیش وەری دەگرن.
توانیان کۆڕۆنا وەک مەبەستێکی سیاسی بە کار بهێنن و بیکەنە باشترین کارتی بیانوو بۆکپکردنی دەنگی ناڕەزایی شەقام، لە کاتێکدا خەڵکی ئەم هەرێمە، ناڕازییەکانیان  گەیشتۆتە ئاستێک، لە ئانوساتی تەقینەوەدایەو، بڕیاری درێژکردنەوەی قەدەغەکردنی هاتوچۆ وەک سینارۆیەکی  سیاسی بۆ کپ کردنی دەنگی ناڕاییە، نەک بۆ بەرژەوەندی خەڵک و ئاستی دڵسۆزی بۆیان.
هەزاران گەنج لەدەست بێکاری و نەبونی دا مەزراندن لە ئاوەکانی ئیجەو بەتەقەی هێزە سنوریەکان گیان لەدەست دەدەن و ڕوو لەئەوروپا دەکەن، کەچی لەپەنای پەردەی چاکسا زیدا دامەزراندن بەپلەی وەزیفی بریکار وەزیر و بەرێوەبەری گشتی بۆ ڕەعیەتەکانیان بەردووامەو ناوەستێت.
دەسەڵاتی سیاسیی تا کڕەو زۆر لە چا کسا ز ی لەهەرەمی دەسەڵاتی خۆی دەترست و تا بتوانێت لەبەشی خوارەوەی هەرەمەکە خەریک دەبێت ،چونکە لەم جۆرەچاکسازی سیاسیەش کەلەسەرەوەی هەڕەم ئەنجامەکەی دیار بێت رەنگە بگاتە ئا کامێک کە لە کۆنترۆڵی دەسەلاتداران خۆیان دەربچێت و سەری سیاسی سەرەوە بخوات ، ئەوان نایانەوێت دەست وپێوەندەکانی خۆیان لەدەست بدەن کە لەبنەڕەتدا شەریکە گەندەڵی خۆیانن.
بۆیە چاوە ڕوانیەک ناکرێ تا ئەم کابینەی حکومەتی هەرێم بتوانێت چاکسازی بکات. پەرلەمانیش ناتوانێت ئەو دەزگایە بێت کە بتوانێت سنور دانێت بۆ حکومەت بەهۆی لاسەنگی لەنێوان هێزەکاندا ، بەهۆی کەڵەکەبونەوە گرفتەکانی ئابوری و سیاسی و ئیداریش تابێت قوڵتر دەبنەوە و بە کاراکتەرەکانی ئەم کابینەیە چارەسەر نابن، بۆیە لەکاتی ئێستادا باشترین بژاردە ئەوەیە حکومەت و پەرلەمان هەڵبوەشێنرێتەوە، حکومەتی کار بە ڕێکەر دروستبکرێت، هە ڵبژار دنێکی نە زیر و بێ تەزویر بکرێت میللەت بتوانێ نوێنەرە شەرعییە کانی خۆی هەڵبژێرێت، چیتر حوکمڕا نی بە دروشم و هاشتاگی پشتگیریو خۆڵکردنە چاوی خەڵک و فرۆشتنەوەی شکست بە مەعدە نی سەر کەو تن نا بێ، بە بە ڵێنی بێ کردارو دوو فاقی نابێ، دەرفەتی ساڵێک کەم نەبووە بۆ ئەم کا بینە یە تا هەنگاوی کرداری بنابوایە بۆچاکسازی، بەڵام دەرکەوت نیەتێکی نیە و سەرقاڵی پۆزش هێنانەوە بۆ گەندەڵی، زۆر بە ئاشکرا ئەوسەری تونێڵەکەدیارە شکستخواردوە بوە بۆیە میللەت تاقەت پڕوکێن بووە بەدیارپاساوەکانیەوەو دەزانێت کە ستراتیژیەکی چارەسەرکردنی پێنیە…

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *