ستاندەر
هۆشیار عەبدوڵا، پەرلەمانتاری گۆڕان لە ئەنجومەنی نوێنەرانی عێراق رایدەگەیەنێت پێشویستە گۆڕان سەقفی زەمەنی بۆ بەشداریكردنی لە حكومەت دابنێت.
هۆشیار عەبدوڵا، لە تویتێکدا رایگەیاندووە ، “بۆ ئەوەی بەرپرسانی گۆڕان لەو ئینشا عامە نەجاتیان بێ کە دەڵێن قبوڵی ناکەین و ڕازی نابین، باشتروایە سەقفێکی زەمەنی لە بەیاننامەکانیاندا دیاری بکەن و بە حکومەت و خەڵکیش بڵێن، تا چەند ساڵ و مانگی تر ئامادەن شەریکی ئەو حکومەتە بن کە خۆیان دەڵێن گەندەڵە؟”.
لە راگەیەنراوێكدا ئەمڕۆ وتەبێژی بزوتنەوەی گۆڕان لەسەر پرسی قاچاغ و قۆرخکاری پەیامێکی ئاڕاستەی سەرۆکی حکومەت و جێگرەکەی کرد و رایگەیاندووە، “بەشداری بزوتنەوەی گۆڕان لە حکومەت تەنها لە پێناو چاکسازی و ڕێگریکردن لە گەندەڵی و قاچاخچێتی بوە، بەدڵنیاییەوە ئێمە نەک نابینە پاسەوانی ئەم بەد ڕەفتاری و کارە نایاساییانە، بەڵکو بەھەمو توانایەکمان ڕوبەڕوی دەبینەوەو بێدەنگ و بێھەڵوێست نابین”.