ستاندەر
ناوەندی راگەیاندن و چاپەمەنی هەپەگە بڵاویكردەوە، لە چالاکییەکی چەند رۆژى رابردوی گەریلاکانیاندا دژی سوپای تورکیا 10 سەربازیان کوشتوون و سێ گەریلاشیان شەهید بوون.
لەبەشێكی بڵاوكراوەكە هاتووە، ئەو چالاکییەى هێزەکانیان لە ناوچەی بەرواری لە هەرێمی سێرت بووە کە تێیدا تیمە تایبەتەکانی سوپای تورکیایان کردووەتە ئامانج و بەهۆیەوە ئوتومبێلێکی سوپای تورکیا تێکشکێنراوە و ١٠ چەکداریشان کوژراون.
هەپەگە لەبارەی زەرەروزیانەكانی رایگەیاندووە، ١٣ی ئەم مانگە فڕۆکە جەنگییەکانی تورکیا ئۆتۆمبێلێکیان لە گوندی رەشەکانێی سەر بە پارێزگای دھۆک کردووەتە ئامانج و سێ گەریلایان شەهید بوون.