ستاندەر
حەنین قەدۆ، پەرلەمانتاری هاوپەیمانی فەتح ئاشكرایكرد لایەنە سەرەكیەكانی عێراق پێنج مەرجیان هەیە بۆ هەر رێكەوتنێك كە لەنێوان بەغدا و هەولێر ئەنجامبدرێت بۆ پێدانی شایستە داراییەكانی هەرێم.
ناوبراو رایگەیاند:” هێز و لایەنە عێراقیەكان ئامادەن پشتگیری هەر رێكەوتنێكی حكومەتی عێراقی بكەن بە چەند مەرجێك كە پێویستە هەرێم پێیانەوە پابەند بێت”. قەدۆ وتیشی مەرجەكان بریتین لەوەی:
- پێویستە هەرێم پابەندی دەستور بێت.
- داهاتی نەوت بگەرێنەوە بەغدا.
- نەوت لە رێگای كۆمپانیای سۆمۆ بفرۆشێت.
- داهاتی دەروازە سنوریەكان و فرۆكەخانەكان رادەستی بەغدا بكات.
- باج و داهاتەكانی تریش بگەرێنێتەوە بەغدا.
وتیشی كێشەكانی نێوان هەولیر و بەغدا ئالۆزن بەڵام دەرفەتی چارەسەر كردن هەیە، بەتایبەت ئەگەر قانونی نەوت و گازی عێراق دەرچێت و هەردوولا پێی رازی بن.