ستاندەر
ئەگەرچی لە ماوەی رابردوو 24 پەرلەمانتار واژوویان بۆ پرساندنی سەرۆكی حكومەت و جێگرەكەیی و وەزیری دارایی كۆكردەوە بەڵام سەرۆكایەتی پەرلەمان رایگەیاند رێوشوێنە پەیڕەویەكانی تێدا نەبوە.
پەرلەمانتارانی ئۆپۆزسیۆن جارێكی تر هەوڵەكانیان بۆ كۆكردنەوەی واژوو دەستپێكردووە، بۆ ئەوەش پێویستیان بە 19 واژوو هەیە كە دەكاتە یەك لەسەر شەشی ژمارەی ئەندامانی پەرلەمان، ئێستاش پرۆسەكە لەسەر یەك واژوو وەستاوە بۆ تەواوكردنی ژمارەی یاسایی.
ئەوانەی تا ئێستا واژوویان كردووە بەو شێوەیەیە پەرلەمانتارانی کۆمەڵ و یەکگرتووی ئیسلامی و ئازادی و نەوەی نوێ و دوو پەرلەمانتاری گۆڕان و چەند پەرلەمانتارێکی سەربەخۆ، ئەوە لەكاتێكدا پێشوو تر پێنج پەرلەمانتاری یەكێتیش واژووی یاداشتەكەیان كردبوو، بەڵام دەگوترێت بەهۆی فشارە ناوخۆییەكان هیچ یەكێك لەو پەرلەمانتارانە ئەو جارە واژووی یاداشتەكەیان نەكردووە.