ستاندەر
لەپەراوێزی بڕیاری داخستنی بالوێزخانەی ئەمریكا لە بەغدا لە كۆبونەوەیەكدا بەرهەم ساڵح سەرۆك كۆمار، موحەمەد حەلبوسی سەرۆكی پەرلەمانی عێراق مستەفا كازمی سەرۆك وەزیران، فائق زێدان سەرۆكی ئەنجوومەنی باڵای دادوەری و لە كۆشكی سەلام لە بەغدا رایانگەیاندووە، عێراق تەنها لەگەڵ تیرۆر لە جەنگدایەو مافی هیچ لایەنێك نییە حاڵەتی جەنگ رابگەیەنێت.
بەگوێرەی راگەیەنراوی سەرۆكایەتی كۆمار چوار سەركایەتیەكە ئاماژەیان بەوە كردووە، ڕفاندن و تیرۆركردنی هاوڵاتیان و هێرشكردنە سەر باڵیۆزخانەكان زیان بەناوبانگی نێودەوڵەتی عێراق دەگەیەنێت و بەكارهێنانی خاكی عێراق بۆ یەكلاكردنەوەی ململانێكان رەتدەكەنەوە.
ئەو كۆبونەوەیەش دوای ئەوە دێت شەویرابردوو ئەمریكا بڕیاری داخستنی باڵوێزی وڵاتەكەی لە عێراقدا، هاوكات زووتریش وەزیری دەرەوەی ئەمریكا، ب ە سەرۆك كۆماری عێراقی راگەیاندبوو ئەگەر هێرشكردنە سەر باڵیۆزخانەی ئەمریكا لە عێراق بەردەوامبێت ئەوا ئەمریكا ناچارە باڵیۆزخانەكەی دابخات.