هێرشەكەی سەر هەولێر كاریگەری بەسەر پەیوەندی هەولێر و بەغدا جێهێشت زانیاری لەو بارەیەوە

لەلایەن ستاندار Posted on 265 جار بینراوە

ستاندەر

بەگوێرەی لێكدانەوەی رۆژنامەی شەرقولئەوسەت ئەو  هێرشە موشەكییەكەی چەند رۆژی رابردوو بە ئاراستەی هەولێر لەلایەن گروپە ملیشیاییەكانی حەشدی شەعبی لە لێكۆلینەوەكان رەهەندی نێودەولەتی وەرگرتووە و ئەوەش بە زیان بۆ گروپە چەكدارەكان شكاوەتەوە و هەرێم و بەغداشی زیاتر لەكتر نزیك كردۆتەوە.

بەگوێرەی راپۆرتێكی شەرقولئەوسەت كە ئەمرۆ یەكشەممە بڵاوكراوەتەوە بەراوردی هێرشی گروپە چەكدارەكان لە بەغدا بۆ  دەوروبەری باڵیۆزخانەی ئەمەریكادا و هێرشەكەی هەولێردا  كردووە، ئەوەی وتوە لە هێرشەكەی بەغدا هیچ جوڵەیەكی نێودەولەتی لێنەكەوتۆتەوە بەڵام لە هێرشەكەی هەولێردا وادەردەكەوێت هەڕەشەكانی پۆمپیۆ كە پێشتر بە سەرۆك كۆمار و سەرۆك وەزیراندا گەیاندبووی بە لایەنە چەكدارەكان خەریكە دەچنە بواری جێبەجێكردن و لێكۆڵینەوەی هەمەلایەن دەستی پێكردووە لە ئەنجامدەری هێرشەكان.

بەگوێرەی رۆژنامەكە، هێرشەكە بەتەواوەتی هەولێر و بەغدای لەیەكتر نزیك كردووەتەوە هەر لەم میانەیەشدا پارێزگاری نەینەوا نەجم جبوری لیوای 30 حەشدی شەعبی تۆمەتباركردووە بە لێپرسراوێتی لە كۆنتڕۆڵكردنی شوێنی هێرشەكان و ستایشی رۆڵی هەرێمی كوردستانی كردووە بۆ پارێزگاری نەینەوا و رایگەیاندوە”ئەو لیژنەیەی پێكهێنراوە لەلایەن سەرۆك وەزیرانەوە دیاریی دەكات هێرشەكان لەلایەن كێوە و چۆن چۆن بوون”.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.