نوێترین زانیاریەكان لەبارەی بەشە بودجەی هەرێم بۆ ساڵی نوێ و موچەی فەرمانبەران

لەلایەن ستاندار Posted on 249 جار بینراوە

ستاندەر

ئەحمەد سەفار، پەرلەمانتاری پارتی و بریاردەری لیژنەی دارایی ئەنجومەنی نوێنەران لە لێدوانێكدا بۆ میدیای عێراقی رایگەیاند” ئەوەی رێكەوتنی لەسەر كراوە لە دەرەنجامی گفتوگۆی بەغدا و هەرێم. حكومەتی هەرێم رۆژانە 250 هەزار بەرمیل نەوت و 50%ی داهاتی ناوخۆ رادەستی بەغدا دەكات، لەبەرامبەردا بەشە بودجەی خۆی كە 12.67 لە بەغدا وەردەگرێت.

وتیشی:” ستراتیژیەتی حكومەتی عێراق ئەوەیە بودجە بۆ سێ ساڵ دابنێت، ئەوەی 2021 پابەندی تێدادەبێت بۆ هەردوو لا بەڵام بۆ دوو ساڵەكەی تر بەگوێرەی پێویستی لەكاتی خۆیدا گۆڕانكاریان تێدادەكرێت و وەك رەشنووس دەمێننەوە.

راشیگەیاند پرۆژە بودجەی 2021 ئامادەیە ماوەتەوە لە ئەنجومەنی نوێنەران گفتزگۆی لەسەر بكرێت و پەسەند بكرێت، جێی باسە ناردنی 312 ملیار دینارەكەی مووچەی فەرمانبەرانی هەرێم بەگوێرەی لێدوانی بەرپرسانی حكومەت تا كۆتایی ساڵ و پەسەندكردنی بودجە بەردەوام دەبێت، بەڵام چاوەرێ ناكرێت تا ساڵی داهاتوو لێبرینی مووچەی فەرمانبەران كۆتایی بێت.

 

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.