ستاندەر
رێڤینگ هروری، سەرۆكی لیژنەی پێشمەرگە لە پەرلەمانی كوردستان رایدەگەیەنێت شەڕی پارتی و پەكەكە نزیك نییە و زۆرجاری دیكەش گرژی لەنێوان لایەنەكان روویداوە، بەڵام باوەڕ ناكەم شەڕ روبدات، هەرچەندە پەكەكە هەندێك هەڕەشەیان كردووە، بەڵام شەڕ بۆ ئەوانیش باش نییە، لەبەرژەوەندی هیچ كەس و لایەنێكیشدا نییە.
ناوبراو كە پەرلەمانتاری پارتیشە، لە لێدوانێكی بۆ ناس كورد وتیشی “ئەوە هەڵەیە بوترێت ئەوە شەڕی پارتی و پەكەكەیە، پارتی و پەكەكە كێشەی سەرەكی لەنێوانیان نییە، چونكە لەسەردەمی شۆڕشدا هەماهەنگی باش لەنێوان پارتی و پەكەكە هەبووە”.
رێڤینگ هروری ئەوەشی وتوە “خۆسەپاندنی پەكەكە نەك تەنها كاریگەری لەسەر پارتی هەبووە، بەڵكو كاریگەری لەسەر دام و دەزگاكانی حكومەتیش دروستكردووە، چونكە پەكەكە هەندێك هەنگاوی ناوە باش نییە”.