ستاندەر
مستەفا كازمی،سەرۆك وەزیرانی عێراق لە هەواڵێكی نوێ بۆ گێرانەوەی پارەی دزراو، رایدەگەیەنێت هەركەسێك سامانی گشتی دزیەوە ئەگەر بیگەرێتەوە لەبەرامبەردا لێ خۆشبونی بۆ دەكرێت.
ئەسیل نوجێفی یەكێك لەسەركردەكانی بەرەی عێراقی ئەو هەوالەی كازمی بەخەیاڵ وەسف دەكات پێی وایە ئەستەمە ئەوەی سامانی گشتی دزیبێت كە بەشێكی زۆری كراوەتە پرۆژە ئێستا بگەرێنێتەوە، دەشلێت پرۆژەكە ئاسانكاریە بۆ گەندەڵكاران بەتایبەت كە عێراق لەو دۆخە پێویستی بە پارەیە بەڵام پرۆژەكە سەرناگرێـت.