ستاندەر
ئەندامێكی لیژنەی دارایی ئەنجومەنی نوێنەرانی عێراق ئاشكرایدەكات هەرێم و بەغدا بەشێوەی سەرەتایی گەیشتونەتە رێكەوتن و ماوە لەسەر بڕی پارەكە كە بۆ هەرێم دەنێردرێت رێكەوتن بكرێت.
شیروان میرزا لەبارەی گفتوگۆكانی هەرێم و بەغدا رایگەیاند: “ئەوەی تا ئێستا بەدەستهاتووە ئەوەیە كە هەردوو لایەنی هەرێم و بەغدا بەشێوەیەكی سه‌ره‌تایی لەسەر یاسای كورتهێنانى دارایی كه به یاساى قەرز ناسراوه و مانگی پێشوو لە پەرلەمان تێپەڕێندرا گەیشتوونەتە رێككەوتن و وردەكاری ئەوە ماوە بڕی چەند پارە بۆ هەرێم بنێردرێت”.
لە لێدوانێكی بۆ ئێس ئێن ئێن ناوبراو وتیشی:” لەسەر پرۆژه‌یاسای بودجەی گشتی عێراقیش بۆ ساڵی 2021 بەهەمان شێوە گەیشتوونەتە رێككەوتن، ئەوەش هەنگاوێكی گرنگە بۆ ئەوەی بتوانرێت ساڵی داهاتوو مووچە و شایستە داراییەكانی هەرێم دابینبكرێت بەمەرجێك هەردوولا پابەندی رێككەوتنەكانیان بن”.