ستاندەر
ململانێ قوڵەكەی یەكێتی بە بڕوای چاودێران لێكەوتی زۆر و درێژخایەنی دەبێت، بەڵام لە هەڵبژاردنەكانی مانگی 10 كاریگەریەكانی زۆر ڕوون دەردەكەوێت.
بە پێی چاودێرانی دۆخی ئێستای یەكێتی ناكۆكی و دابەشبونی سەركردایەتی و بنكەی جەماوەری یەكێتی بەسەر هەردوو هاوسەرۆك كاریگەری خراپ لەسەر دەنگی یەكێتی دروستدەكات و ڕوو لە داكشانێكی بەرچاو دەبێـت، ئەوە لەكاتێكدایە دوای كۆنگرەی ئەو حیزبە پێشبینیەكان بەو ئاراستەیە بوون دەنگی یەكێتی بەرەو هەڵكشان و هاوسەنگ بونە لەگەل پارتی.
ناكۆكی چەند رۆژی رابردوو زەبرێكی كوشندەی لەسەر ئاستی جەماوەری یەكێتی داوە و نائومێدی دروستكردۆتەوە، بەجۆرێك داكشانی ئەو جارەی یەكێتی لەچاو جارانی رابردوو ژمارەیەكی پێوانەیی تۆمار دەكات، بەتایبەت ئەگەر رێكەوتن نەكرێت بۆ گەیشتن بە چارەسەری مامنداوەند.