عەلی ئۆرەماریا
کۆمبوونا جنین پلاسخارت لگەل سەرکردێن کورد و چەند سەرنجەکێن سەرپێ.
ئێک؛ ئاماژەیێن ئاشکەرانە کۆ کورد دسەرکەفتی نەبوون دسیهسالێن دەستهەلاتێ دا.
دوو؛ پشتی سیهسالێن دەستهەلات داریێ ،هەرێم یاڤەدگەریێت بۆ چارگۆشەیا ئێکێ و سەرکردێن وێ نەشیاینە سنۆرێن لوکالیێ دەڕبازبکەن و بچنە دگۆرەپانا سیستەمێن نیڤ دەوڵەتی و وەک هەژماربێنە خاندن.
سێ ؛ نەشیاینە سنۆرێن هەڤرکی یا حزبی و خێلەکی و ناڤچەیێ دەربازبکەن و وەک سەرکردێن گەلێ باشۆر سەرەدەریێ بکەن و ل بەرپرسیاریا خۆ بخۆدان دەربکەڤن.
چار؛ سەرکردێن باشۆر هندی مژویلی ئێک و دوو شکاندنێ نە هند مژویلی بەرسنکگرتنا پیلانێن نەحەزێن کوردان نینن.
پێنچ؛ دیاردەیا ( ئەزو ئەز ، ئەگەر نەئەز نەکەس) یازالە لنک سەرکردێن حزبێن کوردی ل باشۆر و دئامادەنە سەنگەران لئێک دوو بگرن.
شەش؛ سەرکردێن باشۆر ب ئاشکەرایێ لنک جڤاکێ نیڤ دەولەتیڤە وەک گەندەلترین سەرکردێن قۆناغێ هاتنە نیاسین، و ب ئاشکەریێ دبێژنێ هووین ژسەرکردێن شۆرەشگێری بوونە سیاسیێن بازرگان و تێکەلکرنا سیاسەتێ وبازرگانیێ گەندەلیێ بەرهەم دئینیت.
حەفت؛ ب ئاشکەرا دبێژنێ هووین بەلانە لسەر مللەتێ خۆ و هوین بەندا ژ مێژۆیا خۆ وەرناگرن.
هەشت؛ بزەلالی دبێژنێ ئەگەر هوین بڤێ دابەشبوونا خۆ و بنبەست بوونا هوین کەتین تێدا چاڤەرێبن هەڤپەیمان و دەزگەهێن دەوڵەتی دێ قەوارا هەرێمێ پارێزن هوین دشاشن و ژڤێ خەوێ هۆشیارببن.
نە؛ هۆین زێدەرەویێ بهێزا خۆدکەن،ددەمەکی دا هێش هێزێن وەیێن پێشمەرگەی سنۆرێن حزبێن سیاسی دەربازنەکریە و هوین نەشیاینە هێزەکا بەرگریا کوردی ئاڤابکەن.
دە؛ هۆین د چ بیاڤاندا دراستگۆ نینن، نە لگەل ئێک و دوودا وەک سەرکردێن حزبا و نەژی لگەل مللەتێ خۆ، هوین دراستا مللەتێ خۆدا زێدەی حەد یێت داکەتین وئەڤ ئێکەژی مەترسیێن نەمانا ڤێ قەوارێ زێدەتردکەت.
یازده؛ بەریا هەژدەسالان هۆین ل وێ هیڤیێ بوون بدیمۆکراسیەتا هەرێمێ و خۆشگۆزەرانیال هەرێمێ هەی هەمی دەڤەرێن ڤەقەتیایی ڤەبگەریننە سەر جۆگراڤیا هەرێمێ، هووین دزانن نهۆ کوردێن وان دەڤەران دنهۆدا دبێژن هەرباشبوو ئەم نەچۆینە سەرهەرێمێ ڤە ئەگەر دا پرسا نەمرن ونەژین مەژی گریت.
دووازدە؛ هۆین دزانن وە گەلەک دوست هەبوون،لێ پشتی دوستێن وە راستیا وە و عینادا سیاسەتا وەزانی زۆربەیاوان پەشێمان بووینە ژدوستینی یا وەو پشت ل وەکرینە.
سێزدە؛ هووین مللەتەک قەرەمان وشەرکەر و قۆربانی دانن، لێ هوین دەستکەفتێن بخۆینێ هاتینن د سیاسەتێ دا ودان وستاندناندا ژدەست ددەن وهوین چ دبلوماسیەت وسیاسەتێ چێ ناکەن.
چاردە؛ هەژدەسال وەدەربازگرن لسەر بەرنامێ ئێکگرتنا هەردوو زۆمێن دوو ئیدارەیێ ،لێ دنهۆدا لجهێ هوین شەرمێ ژحۆکمڕانیا خۆبکەن و لەزێ ل نەهێلانا زۆمگەراتیێ بکەن، هووین پتر دویری ئێک دبن و پیلانا دژی ئێک و دوو دانن.
پازده؛ هوین دزانن کۆ حەفتێ ژسەدێ ژ خەلکێ هەرێمێ دەنگ ب وەنەداینە و ب ئاشکەرا دبێژنەوە مە هوین نەڤێن، لێ هێش هوین خۆ بشەرعیەت دزانن و خۆ ب بەرپرسێن مللەتی دزانن .ل دەمەکی مللەتی هوین نەڤێن.
شازدە؛ ڤیلا و مێزێن مەزن پرسێن وە چارەسەرناکەن، ئەگەر وە عەقل و ئیرادا چارەسەرکرنێ ڤێ هەبیت، ژۆرەکا بچۆیک و مێزەک گۆ مللێن وە بگەهینتە ئێک بەسە.