ستاندەر:بەدواداچوون
بەهۆی گۆڕانكاریە خێراكانی هەرێمی كوردستان فراوانبونی بەرەی ناڕازی، رێكخستن و تۆكمەكردنی بەرەیەكی سەرتاسەری بۆ نوێنەرایەتی كردنێكی راستەقینەی خەڵكی كوردستان وەك پێویستیەكی هەنوكەیی سەیر دەكرێت، بەتایبەت كە لەدواین هەلبژاردن دەركەوت تەنها 35% خەڵك بەشداریان لە هەڵبژاردن كردووە، ئەمەش بەمانای نەمانی بڕوایە بەو فۆرمە سیاسیەی ئێستا لە كوردستان لە ئارادایە.
لەمبارەیەوە فوئاد عثمان، بەرپرسی پەیوەندییەكانی دەزگای ستاندەر رایگەیاند:” لەماوەی رابردوو یەكێك لە ستراتیژیەتەكان كە ستاندەر كاری بۆ كردووە نزیككردنەوەی بەرەی نارازیی بوە بۆ دروستكردنی فۆرمێك كە بەتوانێت نوێنەرایەتی زۆرینەی خەڵكی كوردستان بكات”.
وتیشی:” لەم چوارچێوەیەش لەم ماوانەی كۆتایی چەند جارێك وەفدی نەوەی نوێ سەردانی دەزگای ستاندەرییان كردووە بۆ ئاسایی كردنەوە و رێكخستنی ئەم پەیوەندییانە بە ئامانجی ئەوەی پەیوەندی هەموو لایەن و دەزگا و دامەزراوەكانی دەرەوەی دەسەلات ئاسایی و پتەو بێت”.
بەرپرسی پەیوەندییەكانی ستاندەر وتیشی ئهوه نیشانهی ئهوهیه نهوهی نوێ لهخهمی ئهوبارودۆخهیه ههست بهوه دهكات بهرپرسیاریهتی كهوتۆته سهر شان بۆیه ئێمە پێشوازی لەم جۆرە هەوڵانە دەكەین و بەپێویستیشی دەزانین كە لەگەل هەموو لایەنەكان ئەو جۆرە هەنگاوە بنرێت، چونكە دۆخی كوردستان بەرگەی پارچە پارچەبونی دەنگی ناڕازی ناگرێـت، بونی پرۆژەیەكی هاوبەشی دەرەوەی دەسەڵاتیش بۆتە داواكارییەكی سەرەكی شەقام”
“نزيكبونەوەی لایەنەكانی دەرەوەی دەسەڵات پێویستی ئەم قۆناغەی كوردستانە”
![](http://skurd.net/wp-content/uploads/2022/06/hkum.jpg)