لەماوەی كەمتر لەمانگێك بۆ سێیەمین جار بۆری ئاوی ئیفرازی هەولێر دەشكێت و، خەرجی هەر جارێكی چاككردنەوە 20 هەزار دۆلارە

لەلایەن ستاندار Posted on 165 جار بینراوە
kjhg

ستاندەر

بەرەبەیانی ئەمرۆ چوار شەممە، جارێكی تر بۆری ئاوی ئیفراز سێی هەولێر، كە بەرپرسە لە دابینكردنی 40%ی ئاوی هەولێر شكاوە. شکانەکەش لە كاتێكدایە لەماوەی كەمتر لە مانگێك ئەوە سێیەمین جارە دەشكێت و لەماوەی دروستكردنیشی تاكو ئێستا 25جەمین جارە دەشكێت، چاككردنەوەی هەرجارێكیش بەلای كەمی 48 كاتژمێری پێویستە و بڕی 20 هەزار دۆلار تێچوەكەیەتی.

شكانی بەردەوامی بۆڕی ئاوی ئیفراز سێی هەولێر، بۆتە جێی ڕەخنەی هاوڵاتیان و حكوومەت تاوانبار دەكەن، بە خراپی جێبەجێكردن و چاودێریكردنی پرۆژەكە، شكانی بۆری ئیفراز سێ لەكاتێكدایە، پرۆژەكانی ئیفراز یەك و دوو، كە لەسەردەمی حكوومەتی پێشوو دروستكراون، توشی ئەم كێشانە نابن، ئەمەش ڕەخنەی هاوڵاتیانی زیاتر كردووە.