مەسعود بارزانی و بافڵ تاڵەبانی کۆدەبنەوە و، چاوەڕوانی پێشنیاری سێیەم دەكەن..

لەلایەن ستاندار Posted on 188 جار بینراوە
151120211332257478701_1244571539288280_4998155879247643816_n

ستاندەر

لە كۆبوونەوەی ئەمرۆی مەسعود بارزانی و بافڵ تاڵەبانی لە پیرمام، بۆ یەكلایی كردنەوەی پرسی سەرۆك كۆمار، یەکێتی دواین پێشنیاری خۆی داوەتە پارتی، هەر دوو لاش بریاریانداوە تا پێنج شەممەی داهاتوو، پرسەكە لەنێوان خۆیان یەكلایی بكەنەوە.

بەگوێرەی زانیاریەكان بارزانی بێ ئومێد بووە لە بەدەستهێنانی پۆستی سەرۆك كۆمار، بۆیە دەیەوێت لەبەرامبەر دەستهەڵگرتن لە پۆستەكە زۆرترین داواكاری بەسەر یەكێتی بسەپێنێت، كە دیارترینیان ئەوەیە یەكێتی هیچ پۆستێك لە حكوومەتی داهاتووی عێراق وەرنەگرێت، یاسای هەڵبژاردنی پەرلەمانی كوردستانیش هەموار نەكرێتەوە.

تا ئێستا یەكێتی ڕەزامەندی لەسەر ئەم داواكاریانە دەرنەبریوە، بەگوێرەی زانیارییەکان لە كۆبوونەوەی ئەمرۆی مەسعود بارزانی و بافڵ تاڵەبانی، یەكێتی دوایین پێشنیاری خۆی لەبارەی ناكۆكیەكانیان لەسەر پرسی سەرۆك كۆمار داوەتە پارتی کە تا ئێستا بەفەرمی ناوەرۆکەکەی رانەگەیەنراوە.