ستاندەر
دوای ئەوەی سەفین دزەیی وتەبێژی حکومەتی هەرێم ڕایگەیاندبوو، بۆ رێکخستنەوەی موچە لەئەمساڵدا چاوەڕێی حکومەتی عێراق دەکەین بۆ ئەوەی موچەی نەدراوی چەند ساڵی رابردوومان بۆ بنێرن،ئەندام پەرلەمانێکی عێراقیش ئاشکرایدەکات،پێدانی موچە نەدراوەکانی فەرمانبەران ئەرکی حکومەتی ھەرێمە نەک حکومەتی عیراق، ئەو موچەنەدراوانەی فەرمانبەران دەبێت حکومەتی ھەرێم بیداتەوەو ئەوەی کەباسیش دەکرێت کە گوایە ئەرکی بەغدا بۆ خۆدوورخستنەوەیە لە بەرپرسیارێتی،شیروان میرزا ئەندامی لیژنەی دارایی لەئەنجومەنی نوێنەران وتیشی،دەتوانرێت حکومەتی ھەرێم داوای ھاوکاری لە بەغدا بکات بۆدانەوەی موچە پاشەکەوتکراوەکان یاخود موچە نەدراوەکان و رێکخستنەوەی، بەڵام بەھەمو شێوەیەک ھەرێم بەرپرسیارە لەو موچانەی کە پێشتر نەدراوە یاخود ھەر ھەنگاوێک کە ئامانج لێی رێکخستنەوەی موچەبێت لەھەرێمی کوردستان دەبێت حکومەتی ھەرێم ھەنگاوی بۆ بنێت.
سەرچاوە:تۆڕی هەواڵی سلێمانی