ستاندەر
نزیکەی ٢٤ کاتژمێر تێپەردەبیت بەسەر دیاریکردنی هەریەکە لە پاڤڵ تاڵەبانی و لاهوری شێخ جەنگی بە هاوسەرۆکانی یەکێتی و تائێستا مەسعود بارزانی سەرۆکی پارتی دیموکرات و دوو سەرۆکایەتیە جێبەجێکارەکەی هەرێمی کوردستان کە لەلایەن بارزانیەکانەوە سەرۆکایەتی دەکرێن هیچ پیرۆزبایەکیان ئاڕاستەی هاوسەرۆکانی یەکێتی و یەکێتی نەکردووە.
ئەمە لە کاتێکدایە مەسعود بارزانی سەرۆكی پارتی دیموكرات دوای هەڵبژاردنەوەی وەك ئەمینداری یەكگرتوو پیرۆزبایی لە سەلاحەدین بەهادین کرد،هەرچەندە یەکگرتووی ئیسڵامی هاوبەشی پارتی نیە و پارتێکی ئۆپۆزسیۆنە ،بەڵام پیرۆزبایی لە یەکێتی نیشتیمانی نەکردوو کە هاوبەشی پارتی دیموکراتە لە حکومەت .
پیرۆزبایی نەكردن بارزانی لە یەكێتی،دوای کۆنگرەو هەڵبژاردنی هاوسەرۆکانی یەکێتی ئاماژەیەكە بۆ نیگەرانیی بارزانی لە هاتنە پێشەوەی گروپی ١٦ی ئۆکتۆبەر،کە زۆرینەی دەنگەکانی کۆنگرەوسەرکردایەتی یەکێتی دەستەبەرکردووە.