ئیبراهیم سۆفی: نهێنیەكی گەورەی دانیشتی 28 كونسوڵخانەكان ئاشكرا دەكات

لەلایەن ستاندار Posted on 16055 جار بینراوە 3 سەرنج
Ibrahim Sofi

ستاندەر

ئەندامێكی (م.س) حزبی شیوعی کوردستان، نهێنیەكی گەورەی كۆبونەوەی لەگەڵ نوێنەری (28) كونسوڵخانەكان ئاشكرا دەكات و دەڵێ، لە كۆبونەوەكەدا نوێنەری (28) كونسوڵخانەكان ئامۆژگاریان كردین، كە ئێستا باسی ریفراندۆم نەكەین و، گوتیان ئێوە هیچتان نەكردوە، بەڵام لە راگەیاندن بەپێچەوانە بڵاوكرایەوە.

ئیبراهیم سۆفی ئەندامی مەکتەبی سیاسی حزبی شیوعی کوردستان، رایگەیاند، هیچ ئیشێك بۆ ریفراندۆم نەكراوە، لەسەر ئاستی ناوەخۆی هەرێم یان بەغدا یان نێوەدەوڵەتی هیچ نەكراوە. هەروەها كوردستان بۆ گەیشتن بە دەوڵەت پێویستی بە ریفراندۆم نییە، بەڵكو پێویستە لەسەر ئەرزی واقع لە رێگەی بەهێزكردنی دامەزراوەكان بینای دەوڵەت بكەین.

ئیبراهیم سۆفی، لە دیمانەیەكی كەناڵی رێگا دا گوتی، لە كۆبونەوەمان لەگەڵ نوێنەری (28) كونسوڵخانەكان، پێیان راگەیاندین، ئێستا بەهیچ شێوەیەك باسی ریفراندۆم مەكەن، هیچ وڵاتێك پشتگیریتان ناكات، نەتەوە یەكگرتوەكان پاڵپشتی ناكات، هەروەها ئەمریكا و گەورە وڵاتانی تر پاڵپشتی ناكەن، بەڵام لە راگەیاندەكانی بەپێچەوانەوە بڵاوكرایەوە، دوای دیاركردنی ئەو رۆژە بۆ ریفراندم بە ئاشكرا دژایەتی خۆیان ئاشكرا دەكەن.

 

3 لێدوان

  1. سەربەخۆیی پێویستی بە ریفراندۆم نیەو
    ریفراندۆم سەربەخۆیی بەدیناهێنێت!

    پرسی ریفراندۆم، هەموو کون و کەلەبەرێکی گرتۆتەوە، هەندێک شایی لۆغانی سەربەخۆیی کوردستان و دامەزراندنی دەوڵەتی کوردی پێدەگێڕن و هەندێک گرفتی ئەم مەسەلەیە لەوەدا کورتدەکەنەوە کە لە پەرلەمانەوە بڕیاری لەسەر نەدراوەو کۆبوونەوەی حیزبەکان شوێنی پەرلەمانی گرتۆتەوەو هەندێکیش وای لێکدەدەنەوە کە ئەوە رێگایەکە بۆ بەشداری خەڵک لەدیاریکردنی چارەنووسی خۆیداو گەڕانەوەیە بۆ رای خەڵک.
    ئەوانە هیچکامیان گوزارشتێکی راستەقینە نین لەم ریفراندۆمەی کەبڕیارە بەڕێوە بچێت، ئەگەر باس لەسەر سەربەخۆییە، جگە لەوەی لە ٢٦ ساڵی رابردوودا زۆر فرسەت بۆ ئەو مەبەستە لەدەستچووە، لەئێستاو داهاتووشدا ئەگەر خەڵکی کوردستان و دەسەڵاتی هەرێم ئیرادەو هێزو ئیمکانی ئەوکارەی هەیەو زەمینەی ناوخۆیی و هەرێمی گونجاوەو لەچاودێری نێودەوڵەتی بەهرەمەندە، هیچ پێویست بەریفراندۆم ناکات، سەربەخۆکردنی کۆردستان هیچکات لەسەر ئەوە پەکی نەکەوتووە کە خەڵکی کوردستان لەگەڵ ئەو پرسە هەیە یان نا، خەڵکی کوردستان بە هەزارویەک شێوە خواستی خۆی بۆ سەربەخۆیی راگەیاندووەو ریفراندۆمی ٢٠٠٥ یش جۆرێکی ئەو دەربڕینە بوو، ئەوە دەسەڵاتداران و کاربەدەستانی هەرێم بوون بوێری و ئارەزووی ئەوەیان نەبووە گوزارشت لەو خواستەی خەڵک بکەن و کلکایەتی و وابەستەیی خۆیان بەقازانجتر زانیوەو ئێستاش کەدەست بۆ ئەم کارە دەبەن نە بۆ سەربەخۆیی کوردستان بەڵکو بۆ بەکارهێنانی دەنگی خەڵکە وەک کارتێکی فشار بۆ بەهێزکردنی جێگەوشوێنی خۆیان هەم لای ئاغاکانیان و هەم لەبەرامبەر نەیارەکانیاندا.
    ئەوەی لەپەرلەمانەوە بڕیاری لەسەر نەدراوە، ئەوەی کە ریفراندۆم و گشتپرسی مافێکی رەوای خەڵکەو گەڕانەوە بۆ رای خەڵک مەسەلەیەکی گرنگە، هیچ لەو راستیە ناگۆڕێت کە ئەم رێفراندۆمە: میهرەجانێکی سیاسیە بۆ خۆنماییشکردنی ناسیونالیزمی کورد لەجەرگەی شکست و فەشەلی حوکمڕانی خۆیانداو لەبەرامبەر چەندین قەیرانی خنکێنەر کە بەرهەمی حوکمڕانی ئەوانە. پارتی بەڕێوەبەرو پاڵەوانی ئەم میهرەجانەیە، کە دەیەوێت رووداوە ئابڕووبەرەکانی وەک شنگال و بێموچەیی و تاڵانکردنی داهاتی نەوت و غازو وابەستەیی سیاسی و ئابووری و سەربازی بەتورکیاو پەیوەندی گوماناوی بە دەوڵەتی ئیسلامی “داعش” لەم رێگایەوە پەردەپۆش بکات و سەرنجی خەڵکیان لەسەر لابەرێت بەتایبەتی کە ئەگەری هەڵبژاردنی داهاتوو لەئارادایە.
    لەهەرلایەکەوە تەماشای ئەم ریفراندۆمە بکەین ئەوەی گومانی لەسەر نیە ئەوەیە کە سەربەخۆیی بەدوای خۆیدا ناهێنێت، چ لەو رووەوە کە لەپشتیوانی نێودەوڵەتی بەهرەمەند نیەو لەسەر ئاستی ناوچەیی دژایەتی دەکرێت و لەناوخۆشدا ناکۆکی و ناتەبایی لەسەرە، چ لەو رووەوە کە ئەندازیارانی ریفراندۆم خۆیان بەراشکاوی دەڵێن ئامانجیان سەربەخۆیی نیەو هەروەها لەو رووەشەوە کە زەمیبنەسازی پێویستی بۆ نەکراوەو کاتی گونجاوی بۆ دیارینەکراوە.
    بەپێچەوانەوە، ئەم شێوازە لە خستنەڕووی ریفراندۆم، خەڵکی کوردستانی هان نەداوە بۆ سەربەخۆیی و دامەزراندنی دەوڵەتی سەربەخۆ، بەڵکو هانی داون بۆ دژایەتی لەگەڵ ئەوانە، سەربەخۆیی و دەولەتی کوردی ( بەقەولی خۆیان) لەناو ئەو هەموو قەیرانانەدا؛ هەژاری، نەداری، برسێتی، بێکاری، بێموچەیی، دابڕاوی لەدەورووبەرو تەریک مانەوە، بەهێزکردنی کەرتی تایبەت لەسەر حسابی کەرتی گشتی و خراپکردنی ژیانی خەڵک و نائەمنی لەگەڵ خۆی هاوتاکردووە، بۆنی نانەوەی شەڕی ناوخۆی لێدێت، بۆیە بەشێکی زۆر لەخەڵکی کوردستان نەک هەر پێی دڵخۆش نین و ئایندەیەکی گەشی تێدا نابینن و بەرێگای رزگاری خۆیانی نازانن، بەڵکو لێدەترسن، دوودڵ و سترێسن.
    ئەم دەسەڵاتە بە ناشیرینیەکانی خۆی خواستی سەربەخۆییشی لای خەڵک ناشیرین کردووە، لەڕواڵەتدا وا خۆیان هەڵدەخەن کە لایەنگرو پێداگری سەربەخۆیین، بەڵام بەکردەوەو لەپراتیکداو لەدیوی ناوەوەی واقیعی خۆیاندا نەیار و رێگری بەردەم ئەو پرسەن و لەو بارەیەوە بەتەواوی ئەجیندای دوژمنانی رزگاربوونی خەڵکی کوردستان بەڕێوەدەبەن و لەڕیگەی پرۆژەی لەمجۆرەوە خەڵک بە هەنگوین دەخنکێنن.
    ئەگەرچی هەموو پێشهاتەکان و ئەنجامگیریەکان بەرۆشنی ئەوە نیشاندەدەن کە ئەم ریفراندۆمە ئەوەندەی مەسرەفی ئیعلامی هەیە ئەوەندە ئەگەری عەمەلی نیە، ئەگەر عەمەلیش بێتەوە دەبێتە ئەڵقەیەکی تر لە شانۆگەریە تراژیدیەکانی ئەم دەسەڵاتە، بەڵام پارتی کە نووسەرو دەرهێنەرو کاراکتەری سەرەکی ئەم سیناریۆیەیە، ئەگەر بتوانێت کۆی پرۆسەکە بەئەنجام بگەیەنێت و لەئاکامدا کوردستانی باشوور لەعێراق جیابکاتەوەو سەربەخۆی بکات و دەوڵەتێکی خۆجێی تێدا بنیات بنێت، ئەوکات وەکچۆن مستەفا کەمال لەبەر دامەزراندنی دەوڵەتی تورکیا بوو بە ” ئەتا تورک ” بارزانیش دەبێت بە ” ئەتا کورد ” و لێرەشەوە دەبێت کۆمەڵگەی کوردستان خۆی بۆ دەیان سال پاشایەتی و حوکمداری بنەمالەیی لەبابەتی میرنیشینەکانی کەنداو ئامادە بکات، کە ئەوە حاڵەتە نمونەییەکەی سەرکەوتنی ئەو پرۆسەیە.
    ئەوەی کە رۆشنە لەم پرۆسەیەدا خەڵکی کوردستان جگە لە “دەنگ پێدان” هیچ رۆڵێکی تری نابێت و ئەوەی لێیشی دەچنێتەوە جگە لەمەرگەسات و وێرانبوونی ژیانی هیچی تر نیە، دەسەڵاتی هەرێمی کوردستان دەمێکە ساغبۆتەوە کە هیچ شتێک لەبەرژەوەندی خەڵکی کوردستان ناکات و لەسەر بنەمای ئەو کارانەی تائێستا کردوویەتی دەبێت لەهەموو هەنگاوەکانی ئێستاو داهاتووی بەگومان بین و ئەم پرۆژەی ریفراندۆمەش هەر ئومێدێکی پێوە هەڵبواسرێ دەبێتە خۆشباوەڕی.
    خەڵکی کوردستان و هەموو هێزو کەسایەتیە ئازادیخوازو پێشکەوتنخوازەکان دەبێت لەدەرەوەی پرۆژەو ئەجینداکانی پارتی و یەکێتی و دەسەڵاتی هەرێمی کوردستان بۆ سەربەخۆیی و راپرسی و رزگاری و خۆشگوزەرانی بگەڕێن و پێشمەرجی بەدیهاتنی ئەمانەش رەتکردنەوەی سیاسەتی ئەوان و تێکدانی دەسەڵاتی ئەوانە. ئەوان جگە لە تاڵانکردن و هەڕاجفرۆشکردنی سامانی گشتی و وێرانکردنی ژیانی خەڵک، لەهەموو بوارێکدا کورتیان هێناوەو لەم مەسەلەی ریفراندۆمەش تەنها لەو رووەوە سەرکەوتوو دەبن کە ژیانی خەڵک بخەن

  2. بەڵێ هاوڕێ لە بیرتانە مانگی شەشی 6\2010یەکێک لە کۆڵەکەکانی دروست کردنی دەوڵەتم پێشنییار بە ناوی دروستکردنی گوندی جوتیارانی سەردەم لە زاخۆوە بەرەو بەدرەوجەسان وام دانابو لە هەمو دەبەرەکاندا بەنداو دروست بکرێت وە بە هەزاران دۆنم بدرێت بەو گوندانە من لە و کاتەشدا ڕۆیشتم بۆڵای خاوەنی وتەی کردار شەرتە (کاک بەرهەم)هەر وەڵامیشیان نەدامەوەئەو کاتەش ناو براو ملیۆنە دۆلارەکانیان ئەناردە دەرەوە بۆ خوێندکارە ئازیزەکان.تاکو بە پرۆژەوە بێنەوە منیش بە بەلاش پڕۆژەم دانا کەس نەیوت مەرحەبا .زۆر بەداخەوە من بێ واسیتە بوم کاک بەرهەم.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *