ھەڵەیەکی مێژوویی لە وتارەکەی مەسعود بارزانی

لەلایەن ستاندار Posted on 9337 جار بینراوە 6 سەرنج
M2

ھەڵەیەکی مێژوویی لە وتارەکەی مەسعود بارزانی

سەنتەری توێژینەوەی (دەزگای ستاندەر) ڕاست کردنەوەیەک بۆ مێژوو دەکات

مەسعود بارزانی لە چەند رۆژی رابردوو نووسینێکی ‌لە (واشنتۆن پۆست)ـی ئەمریکیدا بە ناونیشانی (کاتی ئەوە ھاتووە کوردستانی عێراق سەبارەت بە سەربەخۆیی بڕیاری خۆی بدات) لەبارەی سەربەخۆیی کوردستان بڵاوکردەوە، خاڵی گرنگی تێدا بوو، بەڵام لە چەند شوێنێک کەوتبوە ھەڵە، بە تایبەتی ھەڵەیەکی زانستی مێژوویی کرد بوو، کە دەنوسێت (تەمەنی بزوتنەوەی کورد بە ئەندازەی تەمەنی دەوڵەتی عێراق، کێشەیەکی کۆنی بەقەدەر خودی تەمەنی دەوڵەتی عێراق) ئەو بابەتە پێویستی بە ڕاست کردنەوە ھەیە، بەو شێوەی خوارەوە:

تەمەنی بزوتنەوەی رزگاریخوازی و قەزیەی کورد کەمێک پیش میلەتانی تر لە رۆژھەلاتی ناوەڕاست دەستی دەستی پێکردوە، سەرەتای بزوتنەوەی رزگاریخوازی کوردستانی دەگەڕێتەوە بۆ ساڵی ١٨٨٠، کە بەپێی بەڵگەنامەی بەریتانی ژ:٢٣ –FO.٦٠/٤٤١ کە لە ١/١٠/١٨٨١ تۆمار کراوە و دەڵی،”یەکەم کەس داوای کوردستانی گەورەی کرد (شێخ عوبێدوڵـڵا) بوو”.

ھەروەھا بەپێی بەڵگەنامەکانی ئەرمەنی (یەکێتی کورد) بە ڕابەرایەتی (شێخ عوبێدوڵـڵا نەھری) لە ساڵی ١٨٨٠دروست بووە، لە ساڵی ١٨٨٠ لە نەھری کۆبونەوەیەکی فراوان بۆ سەرۆک عەشیرەت و کەسایەتیەکانی تەواوی کوردستانی گەورە کراو تیایدا شێخ گوتارێکی ئاینی و سیاسی خوێندەوە گووتی:”پێش نزیکەی ٦ سەدە عوسمانی دەسەڵاتی گرتۆتە دەست بێ دەنگ بووین، بەڵام ئیستا تورک بەرەو ئەوەن دەوڵەتی تایبەتی خۆیان ھەبێت، حەتمەن عوسمانی تێک دەچێت، کاتی یەکگرتمان ھاتوە”، بەو شێوەیە کۆمەڵەی کورد لەوێ ڕاگەیەنرا .

بەپێی بەڵگەنامەی بەریتانی ژ:٢٣ –FO.٦٠/٤٤١ کە لە ١/١٠/١٨٨١ تۆمار کراوە و دەڵی،”یەکەم کەس داوای کوردستانی گەورەی کرد (شێخ عوبێدوڵـڵا) بوو”.

دوای ئەو شیخ سەعیدی نەورەسی (یەکێتی محمدی کوردی) لە ساڵی ١٩٠٨ دروست کردوە، ئینجا شێخ عبدالسلام بەزەقتر دانوستانەکانی (شێخ عبدالقادری شەمزینی) لەگەڵ عوسمانی لە پێش جەنگی جیھانی یەکەم ، ئینجا چالاکیە دەولیەکانی (شەریف پاشا) تا دەگاتە ھەر (٣) مادەی کۆنگرەی سیڤەری ساڵی ١٩٢٠ ـەوە، زۆریتر ئەوانە ھەمووی مێژووی راستەقینەی بزوتنەوەی کوردستانە لە پێش دروست بوونی دەوڵەتی عێراقی، کە بە ئیرادەی بەریتانی دروست بووە نەک بە ئیرادەی خەڵکی ناوچەکە و کوردستان.

6 لێدوان

  1. هیچ نەتەوەیێک لەڕژهەڵاتی ناویندا لە نەتەوەی کورد کۆنتر نیە بە پێی بەڵگە مێژووییەکان.کە لێرەدا ناتوانرێت باسیان بکرێت.هەروەها کوردستان بۆخۆی پیرۆزو مقەددەسە بەگوێرەی فەرموودەی پەیامبەر (د.خ)نوح (ربی انزلنی فی ارض مبارکة) کە چیای جوودیە لە باکوری کوردستان.

  2. ئەگەرمن بم لەجێگەی بەڕێزمەسعود بەرزانی.پەرلەمان کارا دەکەمەوەو،داوای لێبوردن لەخەڵکی کوردستان ئەکەموو،بەدکتۆریسف ئەڵێم ببە بە سەرۆکی هەرێم بۆ ماوەی ٦٠ڕۆژ بەگوێرەی یاسا هەتا،سەرۆکێکی تازە هەڵئەبژێرن،بەوشێوەیە گەورەتر ئەبێتو خۆشەویستی لەلای خەڵک ئەگەڕێتەوە..خەڵکیش ئەگەر ژیر بن یەکێک هەڵئەبژێرن کە دڵنیابنئیش بۆ ئەوان ئەکاتوو دزیان لێ ناکات وەکو شاسوار عەبلواحید و جەلالی سام ئاغا.سەرۆکایەتی هەریم هیچ ناڕەحەتیێکی تیانیە تەنها ئەوەیە یاسا وەکو خۆی جێبەجێ بکرێت.

  3. برا من سه رنجيكم نوسيبو ئيوه به و هه مو نيشا نه ي برسياره كردتا ن به مه ته ل كا يه نوينه كه م لابه رن من هه له بوم سه رنجم له سه رنيمجه را بورته كه ى ئيوه نوسى

  4. دەستتان خۆشبێت بۆ ڕاستکردنەوەی ئەو ھەڵەیەی مەسعود.
    بەڵام دڵنیاش بن کە مەسعود بە مەبەست ئەو زانیارییە ھەڵەیەی نووسیوە. چونکە خۆی و دەوروبەرەکەی لەو خەیاڵەدا دەژین کە کوردایەتی و خەبات بۆ سەربەخۆیی کوردستان لە بنەماڵەکەیانەوە دەستیپێکردووە.
    ڕاستییەکەی خەبات بۆ سەربەخۆیی کوردستان لە سەردەمی دوا شای بابان و میر بەدرخان و چەند بزووتنەوەی ڕزگاریخوازی دیکەی کورددا ھەبووە و سەلمینراوە. بەڵام وەکو ئێوەش نووسیوتانە، لە سەردەمی شێخ عوبەیدوڵڵای نەھری دا بیری سەربەخۆیی کوردستان بەتەواوی چەسپا و چەند ھەنگاوی گرنگ و گەورەشی بۆ نرا، لەوانە سازکردنی ڕێکخراوێکی سیاسی کە زۆربەی سەرۆک عەشیرەت و کەسایەتییە ناودارەکانی ئەودەمی کوردستانی لەخۆ گرتبوو.
    ڕاستییە مێژوویەکان، بە مەسعودێک و دوان و سیان پەردەپۆش ناکرێت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *