سەرۆكی فراكسیۆنی یەكێتیی لە بەغدا وەڵامێکی توندی سەرۆكی فراكسیۆنی پارتی دەداتەوە

لەلایەن ستاندار Posted on 2116 جار بینراوە 0 سەرنج
Alla Talabani

ستاندەر

ئاڵا تاڵەبانی سەرۆكی فراكسیۆنی یەكێتیی لە بەغدا وەڵامی لێدوانەكانی عەرەفات كەرەم سەرۆكی فراكسیۆنی پارتی دەداتەوە لەبارەی سەردانەكەی مام جلال بۆ وڵاتی ئێران.

ئەمە دەقەكەیەتی:

وەڵامێک بۆ سەرۆكی فراكسیۆنی پارتی لەبەغدا
عەرەفات كەرەم سەرۆكی فراكسیۆنی پارتی لێدوانێكی پڕ لەقین و ناشایستەی لەبارەی سەردانەكەی هەڤاڵ مام جلال بۆ ئێران بە میدیاكانى حيزبەكەى و كەنالى عەرەبى دابوو ،،،،وەك هەوڵێك بۆ سەرقاڵكردنی خەڵكی كوردستان بەپرس و باسی لابەلاوەو داپۆشینی شكستى حوكمڕانی لەهەرێمی كوردستان ،و گیرۆدەكردنی خەڵك بەبارودۆخێكی خراپی ئابوریی و سیاسی و قانونی لە كوردستان .لەوبارەیەوە دەمانەوێ‌ چەند رونكردنەوەیەك بخەینە روو: یەكەم: سەردانی هەڤاڵ مام جەلال زۆر دەمێكە ئامادەیی بۆ كراوە، جگە لە دیداری دۆستانەی تایبەت هیچ شتێكی دیكە لە ئەجێندای سەردانەكەدا نییە. دووەم: سیاسەتی یەكێتی نیشتیمانی كوردستان لەپرسی ریفراندۆم روونە، ئێمە دەمانەوێ‌ ئەو پرسە بەرێكاری قانونی و دروستی خۆیدا تێپەڕێت و هەم سازان و تەوافوقی سیاسی لەسەر بكرێت و كۆی لایەنە سیاسییەكانی كوردستان بەشێكبن لەبڕیاردان لەو پرسە چارەنوسسازە، هەمیشه لەرووی قانونییەوە ئامادەیی بۆ بكرێت و لەپەرلەمانی كوردستان وەك تاكە مەرجەعی قانونی خەڵكی كوردستان بڕیاری لێبدرێت، هەروەك لەدوایین كۆبونەوەی سەركردایەتی یەكێتی بەروونی بڕیارمان لێدواوە. سێیەم: ئەگەر سەرۆكی فراكسیۆنی پارتی باس لەوە دەكات بارزانی چەند جارێك سەردانیكردنی ئێرانی رەتكردۆتەوە، ئەوا دەزانین لەسەر داوای ئەردۆگان و ئاك پارتی بووە نەك بڕیارێكی سەربەخۆی پارتی، بەڵام خۆ هەموومان هەقی ئەوەمان هەیە بپرسین، بۆچی بارزانی هەموو رۆژ لەڕێی ئەنقەرە و ئیستەمبۆلدایەو رێككەوتنی ژێربەژێریی و پەنجا ساڵی ئیمزا دەكات؟ هەروەك دەشزانین ئەگەر سەردانیكردنی ئێرانی رەتكردبێتەوە ئەوا لەبەرئەوە بووە ئێرانییەكان وەك ئەوەی ئەو دەیەوێت ئامادەنین پێشوازیی لێبكەن. چوارەم: هەرێمی كوردستان بەبارودۆخێكی سەختی ئابووری و پڕ لەكێشەو ئاڵۆزیی سیاسی و قانونیدا تێدەپەڕێت و پرۆسەی سیاسی و قانونی بەتەواوی پەكیكەوتووە، پێمانوایە ئەم لێدوانانە نەك خزمەت بە یەكڕیزی نیشتیمانیی خەڵكی كوردستان ناكات، بەڵكو دەبێتە هۆی لێكترازانی زیاتری پەیوەندیەكانمان لەناوخۆو لەبەغدا، هیوادارین پارتی دیموكراتی كوردستان رێگری لەم شێوە لێدوان و گوتارە سیاسییە بكات.
فراكسیۆنی یەكێتیی لە ئەنجومەنی نوێنەرانی عیراق

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *