ستاندەر
بەمەبەستی یەكخستنی هەڵوێستەكانیان لە 9ی 7ی 2017 هەر سێ لایەنی بزوتنەوەی گۆڕان و یەكگرتوی ئیسلامی و كۆمەڵی ئیسلامی یاداشتێكی هاوبەشی پێنج خاڵیان ئاراستەی ئەنجومەنی كۆمسیاران كرد، بە مەبەستی ئەنجامدانی هەڵبژاردن و ریفراندۆم بەیەكەوە لە بەرواری 25ی 9ی 2017 كە دەقەكەی لەخوارەوەیە:
بە بڕوای چاودێران ئەو هەنگاوە لەسەرەتا زۆر سەركەوتوو بو توانی كاریگەری دروستبكات، بەڵام لەچەند رۆژی رابردوو ئەو رێككەوتنە بەتەواوی لەنێوان ئەو سێ لایەنە هەڵوەشاوەتەوە بەتایبەتی دوای دەركردنی مەرسومەكەی سەرۆكایەتی هەرێمی كوردستان لە 2017/7/12 ئاراستەی كۆمسیۆنی هەڵبژاردن و راپرسی كراوە، چاودێران پێیانوایە، دابەشبونەكە لە دوای دەركردنی ئەو مەرسومە روویدا نێوان لایەنەكان.
پێشتریش وتەبێژی كۆمسیۆن بە ستاندەری ڕاگەیاندبو، كە ئێستا هیچ ئیلتلیزامێك بەو یاداشتە نەماوە، كە لە 2017/7/9 هەریەكە لە (كۆمەڵ و گۆڕان و یەكگرتوو) واژوویان كردبوو، ناوبراو هیچ ڕوونكردنەوەیەكی زیاتری نەدا لەسەر ئەو لایەنەی كە هۆكاری هەڵوەشانەوەی رێكەوتنەكە بووە.
ئێستا لە كۆمسیۆنی هەڵبژاردن لایەنەكان بەسەر دوو بەرەی جیاواز دابەش بوونە، پارتی و یەکگرتوو لەلایەک گۆڕان و یەکێتی و کۆمەڵیش لایەکەی تر.
هاوكات، كشانەوەی نوێنەرێكی گۆڕان لە ئەنجومەنی كۆمسیاران مەترسی خستۆتە بەردەم هاوسەنگی نێو كۆمسیۆنی باڵای هەڵبژاردن و راپرسی لە هەرێمی كوردستان.