دوێنێ شەو عەتاسەراوی لە ئێن ئارتی قسەی دڵی خۆی کرد

لەلایەن ستاندار Posted on 554 جار بینراوە

مەهدی کاوانی

دوێنێ شەو عەتاسەراوی لە ئێن ئارتی قسەی دڵی خۆی کرد گۆتی ئەوە نێچیروان بارزانی بوو کە گوتی دەولەت ڕاناگەیەنین و ئاڵای عیراقی لە پشتمەوە هەڵ دەکەم ، بە هۆیەوە دەنگی نەخێری کەم کردەوە نەک جولانەوەی نەخێر . گووتی ئەوە خیتابی کاک مەسعود بوو ، دەنگەکانی بەڵێ و ڕێژەی بەشدار بووانی لە سولێمانی کەمکردەوە لە ڕێگای ئەو خیتابەی کە دای و وەها باسی لە سلێمانی دەکرد کە بەشێکن لە مێژووی پارتی و بارزانی و جارەک هەر باسی لە سەروەریەکانی یەکیەتی لەو شارە هەر نەکرد بە دوو وتەش لە باسکردنی ،( ئەو کاک نەوشێروانەی کە یەک ملیۆن کەس بە دوای تەرمەکەیەوە بوو) ، نەهاتە دەنگ و لە دوو جار زیاتر هەر ناوی مام جەلالیشی نەهێناو هەر ئەو هۆکارە بوو ، وای لە خەلکی سولێمانی و جەماوەری یەکیەتی کرد کە بەشداری لە پڕۆسەکە نەکەن یان دەنگدانەکەیان نەخێر بێت .

گووتیشی لە ئێستاوە تا شەش مانگی تر ، دەبی کوماری کوردستان لە سەر تەواوی خاکی کوردستان ڕابگەیەنرێ و بەشداری نەکەن لە هەڵبژاردنی عیراقی . هەروەها گۆتی ئەگەر پارتی دیموکراتی کوردستان و یەکیەتی نیشتمانی کوردستان و یەکگرتووی کوردستان ، کار بۆ سەربەخۆیی کوردستان نەکەن ، خیانەت لە دەنگدەری خۆیان دەکەن . لە بەشێکی تری لێدوانەکەی گوتی ئەندامانی سەرکردایەتی یەکیەتی نیشتمانی کوردستان لە سەر کاراکردنەوەی پەڕلەمان و بەشداری کردن لە پڕۆسەی ڕیفراندۆم بە حەوت خالەوە موزەکەرەی خۆیان تەسلیمی ئەندامی مەکتەبی سیاسی یەکیەتی کردو یەکێ لەو خاڵانە نابێت پەڕلەمان بەبێ بزوتنەوەی گۆڕان و کۆمەڵی ئیسلامی کارا بکرێتەوەو چارەسەرکردنی قوتی خەلکیش پێشمەرجی کاراکردنەوەکە بێت و ناشچینە ناو ڕیفراندۆم ئەگەر کەرکوک و ناوچە جێناکۆکەکانی لە گەڵ نەبێ .

کە ئەو خالەی ئێمە لە سەر کاراکردنەوەکە بەبێ گۆڕان و کۆمەڵ جێبەجێ نەکراوە ، ئەوە خەتای مەکتەبی سیاسی یەکیەتی بوووە کە ئێمەش بێدەنگیمان لە سەر کرد لە بەر پرسی گەورەی نەتەوەیی بوو . لەبەشێکی تری لێدوانەکەی گووتی جەماوەری یەکیەتی و گۆڕان دوو نەسیجی کۆمەلایەتی شۆڕشی نوێی گەلەکەمانن و لەمێژووی بەرەنگار بوونەوەمان سەدان سەروەری قارەمانێتیمان پێکەوە ئەنجام داوەو کەسیشمان ناتوانین جەماوەری ئەو دوو حیزبە لێک جیا کەینەوەو کارا کردنەوەی پەڕلەمانیش بەبێ ئەوان کێشەکانی هەرێمی کوردستان بەرەو دژوار تر دەبات و جولانەوەی نەخێر و کاک بەرهەمیش و ئەو یەکیەتیانەی کە نارازیشن بەشێکن لە پڕۆسەی سیاسی هەرێم .

لە سەر گەلەکۆمەکێی ولاتانی ئەقلیمیش گووتی ڕیفراندۆم و ئیعلان کردنی دەولەتی سەربە خۆ ، هەقێکی ئەو ملەتەیەو سەد هەزار پێشمەرگەی یەکیەتیش داکۆکی لە کەرکوک دەکەن و ئەو کاتە حکومەتی ناوەند دەتوانی بە شەڕ بێتە ناو کەرکوک کە بە سەر هەموو لاشەکانمان تیێبپەڕێت و گووتی خەلکی کەرکوک و ناوچە جیناکۆکەکانی تری هەرێم زۆر بە گەرمیەوە بەرەو پیری ڕیفراندۆم هاتن و ئەوەش مایەی ئەوەیە کە یەکیەتی نیشتمانی کوردستان و خەلکی دەنگدەر خۆیان بە شایستەی بەپیر یەکترەوە دەهاتن و چەندین جاریش باسی لە یەکیەتی کوردانی هەرچوار پارچەو سەروەریەکانی یەپەگەو کوردی ڕۆژئاواو پەکەکەش دەکرد کە ئەگەر لە ناو خۆمان یەکیەتی سیاسیمان هەبێ و گوزەرانی خەلک باش بکەین و پڕۆسەی ئابووری بە شەفافی بەڕێوە بەرین و پشتیوانیەکانی کوردانی باکورو باشوور و ڕۆژهەڵاتمان بە دواوە بێت ، باکمان بە ئێران و تورکیاو حکومەتی ناوەند نیە . کە قسە دەهاتە سەر بەڕێز مەسعود بارزانی ، ناوبراو چەندەها جار بە سەرۆکی پارتی دیموکراتی ناوی کاک مەسعودی دەهێنا نەک پێی بڵێ سەرۆکی هەرێمی کوردستان .

ناڕەزایەتیەکانی جەماوەری یەکیەتی نیشتمانی کوردستانی لە دەسەڵاتدارانی حیزبەکەی نەشاردەوەو گۆتی دەبێ ئێمە لە ئەدا خراپەکانمان ، داوای لێبوردن لەو جەماوەرەمان بکەین و دەبێ تێکڕای قیادەی سیاسی کوردیش لەو پاشاگەردیانەی حوکم داوای لێبوردن لە خەلکەکەی خۆی کات . لە سەر تەزویر ئەو بەڕێزە نەیگووت تەزویر کراوە یان نەکراوە بەڵام کە دەیگۆت بۆ هەلبژاردنی پەڕلەمانی کوردستان پێویستە هەر هاولاتی یان حیزبێ ، هەقی خۆیەتی ، لە سەر یەک دەنگی تەزویر وەدەنگ بێت و بەڵام بۆ مەسەلەی ئەو ڕیفراندۆمەی کە کردمان مادامەکینێ بۆ مەسەلەی سەروەری نیشتمانە ، ئاساییە . یانی سیاقی قسکانی دانپیانان بووە بە تەزویر کردن . لە سەر دەنگهێنان و نەهێنانی پارتەکەی لە هەڵبژاردنی داهاتوودا ، گووتی حەز دەکەم هەڵبژاردن لە وادەی خۆیدا بکرێ بەڵام دڵنیام بۆ دوو ساڵی تر دوا دەخرێ .

۲۸/۹/۲٠۱۷

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.