هیچ ئومێدێك دیموكراسی ماوە؟

لەلایەن ستاندار Posted on 610 جار بینراوە

محمد رضا

ئه‌گه‌ر سه‌یرێكی بارودۆخی ناوچه‌كه‌ وڕۆژهه‌ڵاتی ناوه‌ڕاست بكه‌ین ئه‌وا هیچ تروسكایه‌ك به‌دیناكه‌ی بۆ ئه‌وه‌ی كه‌مێك بتوانی هیواكان له‌سه‌ری هه‌ڵچنی بۆ نموونه‌ بارودۆخی لیبیا تا ئێستا گرژ و ناله‌باره‌ و (تونس) وه‌ك یه‌كه‌م وڵاتی ‌ سه‌ره‌تای به‌هاری عه‌ره‌بی داهاتووی لێڵ و نادیاره‌ .
لیبیا وه‌ك ده‌وڵه‌ت كه‌ زاده‌ی كۆبوونه‌وه‌ی چه‌ند تیره‌ و خێڵ بوو هه‌روه‌ها میسر وه‌ك كۆنترین شارستانیه‌ت بریتیه‌ له‌ كۆمه‌ڵگایه‌كی خێڵه‌كی و دابه‌شكاری له‌سه‌ر بنه‌مای كه‌مینه‌ی ئاینی سه‌رباری ئه‌وه‌ش به‌ درێژای درووست بوونی و ده‌رچوونی ئینگلیزه‌كان ده‌ناڵێنێ به‌ ده‌ست بێكاری و پێشێل كردنی یاسا و حیساب نه‌كردن بۆ هه‌ڵبژاردنه‌كان و ده‌نگی ده‌نگده‌ران !
جگه‌ له‌ ئه‌مانه‌ش بارودۆخی سووریا به ‌جۆرێكه‌ كه‌ ویژادنی هه‌موو مرۆڤایه‌تی جوڵاندووه‌ و كاولكاری و كۆمه‌ڵكوژیه‌كانی به‌ ئه‌ندازه‌ێكی ئه‌وه‌نده‌ گه‌وره‌یه‌ كه‌ مێژووی هه‌موو مرۆڤایه‌تی خستۆته‌ به‌ر‌تانه‌ و ته‌شه‌ری ویژدان وبه‌رپرسیاره‌تی ئه‌خلاقی و ئاینی و مرۆڤایه‌تی!
وڵاتانی ناوچه‌كه‌ به‌هۆی بوونی فره‌ ڕه‌گه‌زی و مه‌زهه‌بی ئه‌وا ئه‌گه‌ری له‌ دایك بوونی دیموكراسی جگه‌ له‌ پێشبینی كردنی له‌بارچوون شتێكی ترنیه‌ چونكه‌ تاقم و گروپه‌ جۆراوجۆره‌كان هه‌موویان ده‌مارگیری ڕه‌گه‌زی و نه‌ته‌وه‌یی و ئاینی و مه‌زهه‌بیان هه‌یه‌ كه‌ پێكه‌وه‌ ژیانی مه‌حاڵكردووه‌ ؟ بۆ نموونه‌ ئه‌گه‌ر سه‌یری عێراق بكه‌ین وه‌ك بێشكه‌ی یه‌كه‌م شارستانیه‌ت ئه‌وا به‌هۆی بوونی گروپی ڕه‌گه‌زی جیاواز به‌رده‌وام بۆته‌ شوێنی هه‌ڵهێنانی گروپه‌ توندڕه‌وه‌كان چ مه‌زهه‌بێت یان ڕه‌گه‌زی .
بارودۆخی یه‌مه‌ن له‌وپه‌ڕی خراپی دایه‌ و ستایلی ژیان له‌وێنده‌ر وه‌ك پێنج هه‌زارساڵ پێش ئێستا وایه، وڵاتانی تری كه‌نداو وه‌ك سعودیه‌ و كوه‌یت و به‌حرێن ئه‌وا بنه‌ماڵه‌یه‌ك بوونه‌ تارمایی و به‌ری ڕووناكی خۆریان له‌ خه‌ڵك گرتووه‌ و شتێك نیه‌ به‌ناوی ده‌زگای یاسادانان و په‌رله‌مان به‌ڵكو ته‌نها ده‌زگای ته‌نفیزی (حكومه‌ت) و دادگایه‌ك بوونی هه‌یه كه‌ ئه‌ویش له‌ خزمه‌تی ده‌سه‌ڵاتداراندایه‌ .
ده‌سه‌ڵاتدارانی توركیا و ئێران واتێگه‌یشتوون كه‌ دیموكراتی واته‌ حوكمی زۆرینه‌ هه‌رئه‌مه‌ش هۆكاری سه‌رهه‌ڵدانی بیرۆكه‌ی (حیزبی قائد)كه‌ ئه‌و هه‌قه‌ به‌خۆیان ده‌ده‌ن چۆنیان بوێت به‌وجۆره‌ و به‌ ئاره‌زوی خۆیان حوكم بكه‌ن به‌سه‌ر تاقم و گروپ و نه‌ته‌وه‌كان و به‌شه‌كانی تری كۆمه‌ڵگا ، بوونی خولیای ڕووحی فه‌لسه‌فه‌ی حیزبی قائد له‌ پانتای سیاسی هه‌رێمی كوردستان وایكردووه‌ زه‌مینه‌ خۆشنه‌كرێت بۆ ده‌ستاوده‌ستكردنی ئاشتیانه‌ی ده‌سه‌ڵات وپۆسته‌كانی حكومی و له‌ هه‌مووشی خراپتر هه‌وڵ بدرێت دوور له‌ دیموكراسیه‌ت و به‌ گه‌له‌كۆمه‌ك په‌رله‌مان كارابكرێته‌وه‌ و ته‌نانه‌ت خه‌ریكه‌ به‌ ته‌واوی دام و ده‌زگاكانی حكومه‌ت و په‌رله‌مان بێ نرخ بكرێت و( ئه‌نجومه‌نی سیاسی) وه‌ك سه‌رده‌می به‌ره‌ی كوردستانی زیندوو بكرێته‌وه‌ ؟ ده‌بێت ئه‌وه‌ بزانین حوكمی زۆرینه‌ مانای دیموكراتی پوخت ناگه‌ێنێت به‌ڵكو ئه‌و تاكانه‌ش كه‌ له‌ ده‌ره‌وه‌ی خولیای حیزبی قائد بیرده‌كه‌نه‌وه‌ و پێوه‌ریان جیاوازه‌ له‌ پێوه‌ری فه‌لسه‌فه‌ی حیزبی قائد بۆ ئاینده‌ی وڵات ئه‌وانیش مافی ژیان وئازادی و به‌شداری سیاسی و هاوڵاتیبوونیان هه‌یه‌ …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.