ستاندەر
بەگوێرەی ھەواڵێکی کەناڵی (ئیتیجاە) دوای ئەوەی لەلایەن بەریتانیا و ئەمریکا و فەرەنسا داوای دەستلەکارکێشانەوە کراوە لە بارزانی ناوبراو داوای کردوە کە گەرەنتی ئەوەی بۆ وەربگیرێت کە ئەگەر دەستلەکاربکێشێتەوە لەلایەن دادگای عێراقی دوچاری لێکۆلێنەوە و فەرمانی دەستگیرکردن نەبێت، بەگوێرەی ھەواڵەکە ئەو وڵاتانە گەرەنتی ئەوەیان لە حکومەتی بەغدا وەرگرتوە کە بارزانی دوچاری دادگا نەکرێتەوە.
پێشوازیەکانی بەریتانیا و ئەمریکا لەدەستلەکارکێشانەوەی بارزانی لەو چوارچێوەیە بوە، ئەگەرچی میدیاکانی پارتی سەرەتا وایان پیشاندا کە وەزیری دەرەوەی ئەمریکا داوای لەبارزانی کردوە دەستلەکارنەکێشێتەوە بەڵام ئەو بەیانەی ئەمرۆ ناڕاستی ئەو زانیاریانەی سەلماند کە ئەمریکا پێخۆشخاڵە.