مەھدی کاوانی
فرۆکەی رووسی لە لایەن ھێزەکانی سوریای ئازاد کە زیاتر بە پشتیوانی کەر لە تورکیا تاوانبار دەکرێن ، کەوتۆتە خوارەوە . ئەمەریکا دەڵێ ئێمە وەختی خۆی ھیچ چەکی دژە فرۆکەمان نەداوەتە سوپای ئازادو و نیگەرانین بەو کەوتنە خوارەوەی فرۆکە رووسیە .دیاریشە فرۆکەکە بە مۆدێرین تەکنەلۆجیای دژە فرۆکە کەوتۆتە خوارەوە و یەکسەر فرۆکەوانەکەشیان بە شێوەیەکی دڕندانە کوشتووە .ئەدی ئەو چەکە لە کوێوە ھاتووە .تۆ بڵێیت و نەڵێیت دزە پێکردنی دژە فرۆکەکە شک بۆ تورکیا دەبردرێ .
من نازانم چەندی ڕاستە یان نا دەڵێن فرۆکەکانی تورکی بە ئاسمانی عەفرینەوە ئەو یەک دوو ڕۆژە نابینرێن و ھێرشە ئاسمانیەکانی تورکیاش بۆ سەر شەڕڤانان لە خاکی تورکیایەو ناشگەنە قولایی ناوچەکانی عفرین و لە بەرامبەریشدا دەڵێن ھێزەکانی سوپای ئازاد خەریکی کشانەوەن بۆ ئەوەی لە ئدلب شەڕ لە دژی سوپای ئەسەدو فرۆکەکانی رووسی بکەن . دیسان ئەوەش ڕاستە یان نا ، ئەوەشیان نازانم بەس مەعلومەیەو کەوتۆتە ناو میدیاکانەوە .
پرسیارەکە لێرەوە خۆی قیت دەکاتەوە ئایا رووسیا بە ھۆی کەوتنی فرۆکەکەیان و کشانەوەی سوپای ئازاد بۆ بەرەی ئیدلب تووڕەیە یان تورکیایە دەڵێ رووسەکان فێرمان لێ دەکەن ، ھێزەکانیان پێ لە بەرەی ئیدلب بۆ بەرەی کوردان پێ کشاندینەوەو لەبەرامبەریشدا ھێرشەکانیان بۆ سەر ئدلب چڕتر کردۆتەوە . ئەخر عەقلیش قبوڵ ناکا لە بەرەیەک ڕێگە بە تورکیا ھاوبەشەکانی بدەیت لە دژی کوردان شەڕ بکەن و لە بەرەیەکی تریش بیان کوتیەوە .
ما ناو شاری ئیدلب و دەورو بەری کێی لێیە . بەرەی نوسرەیە کە تورکیا بۆی لە بن دەستی داعش دەرھێنان . ناشزانرێ بە ئۆپراسیۆنی شەڕ بوو یان تەسلیم کردنی ئەدوارەکان بوو لە گەڵ داعش و یان بە ھەدوکیان . چونکە ھاتنە ناوەوەی سوپای تورکی وەک ھی جەرابلوس نەبوو بە شەو و ڕۆژێک بیت . یانی شەڕو کورتە شەڕو بێ شەر تەسلیم کردنیشی تێدا بوو ئینجا دوو سێ مانگی خایاند . ئێستاش سوپای ئەسەد بە یارمەتی فرۆکە شەڕکەرەکانی ڕووسیا بیانەوێ ئەو ناوچانە بخەنە ژێر کۆنترۆلی خۆیان .
قسەی لەو بابەتەش بە کەمی ناکرێن وەک بگۆترێ گۆڕینەوەی ئدلبە بە عەفرین و با ھەر یەکەو ئازاد بێت ناوچەکەی خۆی لە ئەوی تر ڕزگار کا . بیست تا سی ھەزار شەڕکەری سوپای ئازادیش بگوازرێتەوە بۆ بەرەی عەفرین ، ھەڵبەتە بەرگری لە قۆری ئدلب وەک جاران نابیت و دەشبنین ئەوە بۆ سێ ھەفتە دەچێ تورکەکان و سوپای ئازادو بەو ماشێنە سەربازیە زەبەلاحە لە یەک دوو کیلۆمەتر بەولاوە نەیان توانیوە پێشڕەوی کەن و لەقۆلی ئدلبیش ھەرئۆتە سوپای ئەسەد چوار دەورەی نادات . ھەقە تورکەکان بڵێن ئەگەر ڕێکەوتنی ژێراو ژێریشمان ھەبیت بۆ گۆڕینەوەی ئدلب بە عەفرین بەس لە قەلیش دەبین و لە کۆتریش واتە ئەگەر وەخۆ نەکەوینەوە ئدلب لە دەست دەدەین و عفرینیشمان ، چەنگ ناکەوێ .
دەنا مێشکی من بۆ ئەوە دەچێ ئەردۆگان بیری لەوە کردبێتەوە کە زەرەر لە نیوەی بگەڕێتەوە ، بە قازانج حیسابە . یانی ئەو دەنگۆیانەی کە دەگۆترێ کشانەوەی سوپای ئازدو کەوتنە خوارەوەی فرۆکە ڕووسیەکە دەستی تورکانی تێدا بێت و ڕووسەکانیش ئەوە بزانن .
ئەدی پاش سیناریۆیەکان و سەرنەگرتنیان چ دەکەوێتەوە . بە تورکیا زیانەکان دەژمێرن و بە سوپای ئەسەدوفرۆکە شەڕکەرەکانی رووسی تورکیا و سوپای ئازادی سەربە ئەوان لە ئدلب و دەوروبەری دەردەپەڕێنن و بە کوردانیش جەرابلوس و ئەعزاز و تا دەیان گەیەننە سەر دەریای ناوەڕاست . یان تورکیا بە ئەمەریکا بڵێ تۆبە ھەلنۆبە چی دی خۆم بە رووسەکان نابەستمەوە .
بە مەنتقی شەڕ ، وەک دەرێن بەس سوپای سوری ئازاد خۆ ی لە سەروی بیست ھەزار کەس دەدا و مۆلەتی شەڕی ئاسمانیشی پێدرا بوو و بە سەدان دەبابەو ناقیلەو کەرستەی قورسی شەڕو سەدان فرۆکەی ھەرە مۆدێرنی خستووتە ناو شەڕی عفرین و ئینجا لە دوو سێ کیلۆمەتر بەولاوەو بۆ سێیەمی ھەفتەی شەر دەچێ ، چی پێ نەکرابێ ، ئەدی ئەگەر سوپای ئازاد بکشێتەوەو ئاسمانی عفرینیشت لێ قەدەغە بکرێ چێت پێ دەکرێ .
قسەیەکیش ھەیە کە تورکیا باس لە منبەج دەکا زۆرانبازێیەک لەوێندەر بکاو ئەمەریکا بێتە سەر خەت ، تا ڕووسەکان زیاتر لێیان بێنە پێشەوە . ئەخر ئەمەریکیەکان مادامەکینێ بزانن تورکان بە شەڕڤانان ناوێرن ، چ پێویست دەکا . لە سەریان بێنە دەنگ دەنا ئەمن دەرێم رووسیاش مادامەکینێ تورکیا بە کوردان نەوێری ، زیاتر خۆیان پێ ماندوو ناکات و با چاوەروان بین .