ستاندەر
پەرلەمانتارانی فراکسیۆنی گۆران لەپەرلەمانی کوردستان لە پرێس کۆنفرانسێک کە ئەمرۆ سێ شەممە لەبارەی پەسەند کردنی پرۆژەیاسای بودجەی عێراق بۆ ساڵی ٢٠١٨ رێکیان خستبو رایانگەیاند، پەسەندکردنی بودجەی عێراق بەو شێوەیە دەرەنجانی شکستی یەکێتی نیشتمانی کوردستان‌و پارتی دیموکراتی کوردستانە، پێشیان وایە حکومەتی ھەرێم لەروی داراییەوە بە رێکاری ھەڵەدا رۆشتوە.
فراکسیۆنی گۆران رایدەگەیەنێت لەدوای ١٦ی ئۆکتۆبەری ساڵی رابردو ئەوان داوای پێکھێنانی حکومەتی رزگاری نیشتمانییان کردوە بۆ تێپەراندنی دۆخەکە بەڵام گوێیان لێنەگیراوە، ئاماژە بەوەش دەکەن حکومەتی ھەرێم حکومەتێکی دۆراوە.
ڕاشیانگەیاند، “ھەرێم قەرزێکی زۆری کۆمپانیاکان و لایەنەکانی دیکەی لایە، ئەگەر ئێستا نەتی ھەرێم بدرێت بە حکومەت عێراق ئەو قەرزی کۆمپانیاکان بەچی بدرێتەوە”.