ستاندەر
بۆ رۆژی پێنجەم ئەمرۆ پێنج شەممە گردبونەوەو ناڕەزایەتییەکان لە شاری ھەولێر بەردەوامن و لەو چوارچێوەیەشدا بەشێک لە مامۆستایانی زانکۆی ھەولێری پزیشکی و زانکۆی سەڵاحەدین لەبەردەم وەزارەتی خوێندنی باڵا گردبونەوەیەکیان سازداوە.
مامۆستایانی زانکۆ وەڵامی قسەکانی سەرۆکی حکومەتیان دایەوە و ڕایانگەیاند مامۆستایانی زانکۆ لەجێ ی دەمانچە و چەقۆ قەڵەمیان پێیە و ڕایانگەیاند تا ھەڵوەشاندنەوەی تەواوی سیستەمی پاشەکەوتی موچە بەردەوام دەبن لە خۆپیشاندان و بایکۆت کردن.
لەلایەکی تر ھەر ئەمرۆ لەبەردەم دادگای پێداھەلچونەوەی ھەولێر پارێزەران و مافپەروەرانی شاری ھەولێر پشتیوانی خۆیان بۆ داواکاری خۆپیشاندەران راگەیاند.
ھاوکات ھەر لە ھەولێر بەردەوامی بایکۆت وخۆپیشاندانی پزیشکان وکارمەندانی تەندروستی بەردەوامە لەناو نەخۆشخانەی رزگاری گردبونەوە.
