ستاندەر
لەکۆبونەوەی نێوانیان مەکگۆرک نێردەی سەرۆکی ئەمریکا بۆ شەڕی داعش پێشنیاری ئەوەی کردووە لە کابینەی نوێی حکومەتی عێراقدا بەرھەم ساڵح پۆستی سەرۆک کۆماری عێراق وەربگرێت و ئەوانیش وەک ئەمریکا پشتیوانی لێدەکەن.
سەرچاوەکە کە نەیویسیت ناو و ناونیشانی ئاشکرابکرێت بە درەو میدیای راگەیاندوە مەکگۆرک ئەو پێشنیارەی خستوەتە بەردەم یەکێتی و ماڵی تاڵەبانی بە تایبەتی و ئەوانیش بۆئەوە چەند مەرجێکیان ھەیە و وتویانە بۆ وەرگرتنی پۆستی سەرۆک کۆمار پێویستە بەرھەم ساڵح ھاوپەیمانی بۆ دیموکراتی و دادپەروەری ھەڵبوەشێنێتەوە و بگەڕێتەوە ناو یەکێتی و مەرجی دووەمیشیان ئەوەبووە کە بەرھەم ساڵح لە بەغدا بێت و دەستوەردان لە کاروباری ناوخۆی یەکێتیدا نەکات.
بە گوێرەی ئەو سەرچاوەیە بەرهەم ساڵح سەرۆكی هاوپەیمانی بۆ دیموكراتی و دادپەروەریی تائێستا وەڵامی ئەو پێشنیارەی مەککۆرگی نەداوەتەوە.
ئەمريکیەکان پێشنیاری سەرۆک کۆماری عێراق بۆ بەرھەم ساڵح دەکەن
