ستاندەر
هونەرمەندی ناوداری تورکیا ئیبراهیم تاتلیسەس لەلایەن حزبی ئاکەپەی سەر بە ئەردۆغان ڕەتکرایەوە و نابێت بە پاڵێوراوی ئەو حزبە بۆ هەڵبژاردنی گشتی لە مانگی حوزەیرانی داهاتو.
لە گرتەیەکی ڤیدیۆییدا کە میدیاکانی تورکیا بڵاویانکردوتەوە، تاتڵیسەس بە گلەییەوە باس لەوە دەکات کە جارێکی دیکە حزبی ئاکەپە لەسەر لیستی کاندیدانی پەرلەمان دایان نەناوە، دەشڵێت هەندێ کەس گلەیی ئەوەیان هەیە من گۆرانی مەگری مەگریم گوتوە(مەبەستی ئەو گۆرانیەیە کە بە دو قۆڵی لەگەڵ شڤان پەروەر گوتی بۆ پرۆسەی ئاشتی) بەڵام باسی ئەوەش ناکەن کە چومەتە سەر سنور بۆ بەرزکردنەوەی ورەی سەربازەکانمان و گۆرانی تایبەتم بۆیان گوتوە.
جێی ئاماژە پێکردنە ئیبراهیم تاتلیسەس پەیوەندیەکی باشی بە ئەردۆغان و حزبەکەیەوە هەیە و ئەمە جاری چوارەمە لەلایەن ئەو حزبەوە نائومێد دەکرێت بەوەی ببێت بە پاڵیوراو بۆ پەرلەمانی تورکیا.