ستاندەر
سەلاحەدین دەمیرتاش کە ئێستا لە زیندانە و کاندیدی ھەدەپەیە بۆ سەرۆک کۆماری تورکیا لەدیدارێکی لەگەڵ کەناڵی فۆکەس سەبارەت بە بەربەستی ١٠% ی ھەڵبژاردنەکان وتی “ئەو بەربەستە تەنیا بۆ ھەدەپە لەئارادایە، چونکە زۆربەی پارتەکانی دیکە لەڕێگەی ھاوپەیمانێتییەوە دەتوانن بچنە ھەڵبژاردنەکانەوە”.
دەميرتاش رایگەیاند ” بەپشتیوانی خەڵک دەتوانن ئەو بەربەستە تێپەڕێنن تەنیا چاوەڕێی دەنگی کورد ناکەن و دەیانەوێت دەنگی ھەموو نەتەوە و پێکھاتەکانی تورکیا بەدەست بێنن”.
سەبارەت بە پەیوەندییان لەگەڵ پەکەکە دەمیرتاش رەتی کردوە ھیچ پەیوەندییەک لەنێوان ھەدەپە و پەکەکە ھەبێت و رونی کردەوە کە ئەوان داوا دەکەن پەکەکە چەک فڕێبدات و بەڕێگە چارەی دیموکراتی خەبات بکات کە ئەوەش مانای ئەوە نیە کە ئەوان پەیوەندیان بەو پارتەوە ھەبێت.