ستاندەر
لەهەواڵێکی پێگەی “العالم الجدید” دا هاتووە کە لەدرێژەی گفتوگۆکانی پێکهێنانی حکومەتی نوێی عێراق لەکۆبوونەوەی نێوان وەفدی پ د ک لەگەڵ هەریەک لە نوری مالیکی و هادی عامری باس لە پۆستی سەرۆک کۆماری عێراق کراوە و هەریەکە لە نوری مالیکی و هادی عامری بەڵێنی پشتیوانیکردنی پ د ک یان داوە بۆ وەرگرتنی ئەو پۆستە.
وە پێگەکە بڵاویشیکردۆتەوە کە یەکێک لە کاندیدەکانی پارتی بۆ وەرگرتنی ئەو پۆستە مەسعود بارزانی سەرۆکی “پ د ک” ـە.
جێگای ئاماژەیە تاوەکو ئێستا پ د ک هیچ ڕونکردنەوەیەکی لەو بارەیەوە بڵاونەکردۆتەوە.
جێگای باسە لەدوای بەڕێوەچونی هەڵبژاردنەکانی ۱۲ ی مانگی ڕابردوو جەند جارێک ناوی مەسعود بارزانی و هۆشیار زێباری بۆ وەرگرتنی پۆستی سەرۆک کۆماری عێراق هاتووە، لەکاتێکدا لەسەروبەندی بەڕێوەچونی ڕیفراندۆمەکەی ۲٥ی ئەیلول ناوی ئەو دوو کەسە وەکو سەرۆک کۆماری کوردستان دەهات.