ستاندەر
هەریەکە لە ئەمریکاو ئێران و عێراق ڕەتیانکردەوە کەوا هیچ جۆرە هاوکاری و هەماهەنگیەک هەبێت لەنێوان ئەوان و تورکیا بۆ هێرشکردنە سەر قەندیل.
پێشوتر تورکیا ڕایگەیاندبوو کەوا هەماهەنگی لەگەڵ هەریەک لە ئەمریکا و ئێران و عێراق و هەرێمی کوردستان کراوە بۆ هێرشکردنە سەر قەندیل.
جێگای باسە تاوەکو ئێستا هەرێمی کوردستان ئەو هەواڵەی ڕەتنەکردۆتەوە هیچ بەیاننامەیەکی دژ بەهاتنی سوپای تورکیا دەرنەکردووە.
چاودێرێک پێوایە پلانی تورکیا لە داگیرکردنی قەندیل ئەوەیە کەوا بیکاتە مۆڵگەیەک بۆ بەرەی نوسڕەو گروپە توندڕەوەکان کەلەکۆتایدا ئەوە زیان بەتەواوی ناوچەکە دەگێنێت و سەقامگیری ناوچەکە تێکدەدات.