ستاندەر
بەگوێرەی ھەواڵێکی شەرقولئەوسەت ئەمریکا بە لایەنە عێراقیەکانی ڕاگەیاندووە کە لەو قۆناغە ئەوان حەیدەر عەبادی بە گونجاوترین کەس بۆ سەرۆک وەزیران دەزانن، ھاوکات رۆژنامەکە ئاماژەی بۆ ئەوە کردووە ئەمریکا ھۆشداری داوە لە پێشنیار کردنی ھەر کەسێکی تر نا قبوڵکراو بەلای ئەوان و، رایگەیاندوە ئەگەری ئەوە ھەیە ئەوان کەسەکە بخەنە ژێر سزا.
لەلایەکی تر بەگوێرەی ھەندێ سەرچاوەی تر ئەمریکا بۆ سەرۆک کۆماری لەنێو کورد د.بەرھەم ساڵح بەگونجاوترین کەس دەزانێ و، لە سەردانی دوێنێشی مەکگۆرک دوو کەسایەتی کوردی بینیوە ئەوانیش بارزانی و بەرھەم ساڵح بوونە.
ھاوکات ئارێز عەبدولڵا پەرلەمانتاری یەکێتی لە بەغدا رایگەیاندوە مەرجی کاندیدکردنی بەرھەم ساڵح بۆ سەرۆک کۆماری ئەوەیە پێویستە بگەڕێتەوە ناو یەکێتی.