ستاندەر
دوای ئەوەی ئەمڕۆ 29/9/2018 ئەنجومەنی كۆمسیاران بەمەبەستی دووركەوتنەوەی لە ساختەكردنی هەڵبژاردنەكان، بڕیاری هێنانی ناسنامەی شارستانی لەگەڵ رەگەزنامەی عێراقی دەركرد.
ئەمشەو یەكێتی نیشتمانی كوردستان ئەم بڕیارەی رەتكردەوە لە ڕیگای سمكۆ ئه‌دهه‌م راوێژكاری مه‌كته‌بی سیاسی یه‌كێتی كە داوا له كۆمسیۆنی باڵای سه‌ربه‌خۆی هه‌ڵبژاردن و راپرسی هه‌رێم ده‌كات كاركردن به‌و رێنماییه نویانه رابگرێت.
هەر بەپێی زانیاریەكانی هەندێك سەركردەی یەكێتی رایەنگەیاندوە: هەموو شتێك دەكەین بۆ هەڵوەشاندنەوەی رێنماییەكە، یان فەوزا روو دەدات.
بەپێی سەرچاوەیەكی ئاگادار، ئەم زانیاریانە گەیاندراوەتە بڕێت مەكگڕۆك نێردەی تایبەتی سەرۆكی ئەمریكا لە عێراق وناوبراو بەفەرمی هۆشداری داوەتە یەكێتی كە ئەمریكا بەهیچ شێوەیەك قبوڵی نیە لە دەرەوەی یاسا ورێنماییەكانی كۆمسیۆن هەڵوێست بنوێنن وهەڵبژاردنەكان پشێوی تێبكەوێ.