ستاندەر
دوای ئەوەی وابڵاوکرایەوە کە یەکێتی لەبەرامبەر وەرگرتنی پۆستی سەرۆک کۆماری عێراق واز لە پۆستی پارێزگاری کەرکوک دێنێت بۆ پارتی سەرچاوەیەک لەنێو یەکێتی پێی ڕاگەیاندین کە ئەوان وەکو یەکێتی پارێزگاری کەرکوک بەحەقی خۆیان دەزانن و ڕادەستی پارتی ناکەن، هۆکارەکەشی گێڕایەوە بۆ ئەوەی پارتی لەو پارێزگایە هیچ کورسیەکی بەدەست نەهێناوە لەکاتێکدا یەکێتی زۆرینەی کورسیەکانی ئەو پارێزگایەی بەدەستهێناوە.
ئەو سەرچاوەیە وتیشی ئێمە لە هەرێم هیچ منەتباری پارتی نین، وتی هەرێم موڵکی پارتی نییە تاکو لەکاتی وەرگرتنی پۆستێک لەلایەن لایەنێکەوە پارتی وانیشانی بدات کە خێری بەو لایەنە کردووە.