ستاندەر
لەم دواییانە دەنگۆی کاندیدکردنی خالید شوانی بۆ پۆستی پارێزگاری کەرکوک لەناو خۆی یەکێتی بڵاوبویەوە و، چەند سەرچاوەیەک رایانگەیاند پرسەکە یەکلاکراوەتەوە.
ئەمرۆ دووشەممە ماڵپەری (بەغداد الیوم) بڵاویکردۆتەوە سەرکردایەتی یەکێتی پەشیمان بۆتەوە لە کاندیدکردنی خالید شوانی بۆ پۆستی پارێزگاری کەرکوک و، لەجێی ئەوە بریاریانداوە بۆ یەکێک لە وەزارەتەکانی داد یاخود کۆچبەران کاندیدی بکەن کە بریارە یەکێتی وەریبگرێت.
سەرچاوە راشیگەیاندوە لەجێی ئەوە بریارە رەفعەت عەبدولڵا ئەندامی مەکتەبی سیاسی یەکێتی بۆ پارێزگاری کەرکوک کاندید بکرێت بەڵام پرۆسەکە راگیراوە و، یەکێتی چاوەرێی تەواو بونی پرۆسەی پێکھێنانی حکومەت لە بەغدا دەکات.