ستاندەر
سەرچاوەیەکی ئاگادار بە ستاندەری راگەیاند ئەو فرۆکە جەنگیەی کۆتایی ھەفتەی رابردوو سێ ھاوڵاتیی سڤیلی لە سنوری دھۆک بەھۆی بۆردومانەوە شەھید کرد، شوێنی ھەستانەکەی سنوری پارێزگاکە بووە.
سەرچاوەکە وتیشی ئێستا ھێزەکانی تورکیا بنکە سەربازیەکانی سنوری بامەڕنێ سەر بە پارێزگای دھۆک تەنھا بۆ جوڵەی زەمینی بەکارناھێنن، بەڵکو کردویانەتە فرۆکەخانەی فرۆکە جەنگیەکانیان و لەوێوە ئامانجەکانیان دیاردەکەن بۆ ھەستان و بۆردومانکردن.
ئەو دەستدرێژیانەی تورکیا بۆ سەر ھەرێم کە رۆژ دوای رۆژ فراوانتر دەبێت لە کاتێکدایە حکومەتی ھەرێم ھیچ ھەڵوێستی نیە، جگە لە عێراق کە چەند جارێک بە فەرمی ئیدانەی ھێرشەکانی تورکیای کردووە و داوای کردوە خاکی عێراق بۆ مەبەستی سەربازی بەکارنەھێنن.
مەترسیدار، زانیاری دەربارەی ئەو فرۆکەیەی ھەفتەی رابردوو سێ ھاوڵاتی پارێزگای دھۆکی شەھید کرد
