ستاندەر
بەپێی راپۆرتێکی رۆژنامەی”یەنەی شەفەق”ی تورکی ھێزەکانی ئـەمریکا لەرۆژئـاوای کوردستان روو لەزیاد بوون دەکەن و بەرەوسنورەکانی تورکیاش ئـاراستەدەکرێن. هەر بەپێی رۆژنامەكە ئەمریكا ژمارەیەك سەربازی بۆ زیادكردنی سەربازەكانی لەرۆژئاوای كوردستان لەبنكەی سەربازی تەنەفی سوریاو بنكەیەكی سەربازی لەعێراق ناردووەتە ناوچەكانی رۆژئاوای كوردستان، ئـەمەش لەپێناو پاراستنی ھاوسەنگی ناوچەکە.
جێگای باسە ھەفتەی رابردوو(ھێزەر ناوەرت) وتەبێژی وەزارەتی دەرەوەی ئـەمریکا رایگەیاندبوو: کوردەکانی رۆژئـاڤا ھاوبەشی شەری ئـەمریکان لەناوچەکەدا، بۆیە ھاوکارییە سەربازییەکانی ئـەمریکا بۆیان بەردەوام دەبێت.