ستاندەر
شوان تەها بەرپرسی لقی بەغدای پارتی و پەرلەمانتاری پێشووی لەلێدوانێكد سەبارەت بەناوهێنانی بارزانی لە لیستی تیرۆربە میدیا عێراقیەکانی رایگەیاندوە، حكومەتی سوریا هەڵەیە لەشێوازی مامەڵەكردن لەگەڵ پارتی دیموكراتی كوردستان و سەرۆكەكەی، چونكە بەپێی ژمارەی كورسییەكانی پەرلەمان، گەورەترین پارتی عیراق و هەرێمی كرودستانیشە.
وتیشی ناوهێنانی مەسعود بارزانی لەلیستی پاڵپشتیكەرانی تیرۆر لە سوریادا، دەستوەردانە لە كاروباری ناوخۆی عیراق و هەرێمی كوردستان، هەروەك هەرێم لەچوارچێوەی سیاسەتەكانی دەرەوەی حكومەتی فیدراڵی، پابەندە بە پەیوەندیەكانی لەگەڵ وڵاتانی دراوسێ.
سوریا لیستێكی “دەستەی بەرەنگاربونەوەی سپیكردنەوەی پارەو پشتگیری دارایی تیرۆر” بڵاوکردەوە، ناوی 615 كەسایەتی ناوخۆیی و دیاری عەرەبی و ناوچەكەی تێدایە، لەنێویاندا ناوی مەسعود بارزانی سەرۆکی پارتی دیموکراتی کوردستان.