ستاندەر
سەرچاوەیەک لە وەزارەتی پەروەردەی عێراق ڕایگەیاند بابەتی خوێندنی زمانی کوردی لە باشوور و ناوەڕاستی عێراق زیادکراوە. ئەم سەرچاوەیە وتیشی «پێدەچێت بڕیارەکە بۆ ئەم ساڵی خوێندن نەچێتە بواری جێبەجێکردنەوە بەھۆی نەبوونی مامۆستا و ئامادەنەبوونی کۆی مەنھەجەکە ، بەڵام وەک ئەزموون لە چەند شوێنێکی عێراق دەخوێندرێت» سەرچاوەکە ڕاشیگەیاند «ئەو بڕیارە لە کاتێکدایە کە زمانی کوردی دووەم زمانی فەرمی عێراقە و لە دەستووردا ئاماژەی پێکراوە» زمانی کوردی لە دوای کۆتاییھاتنی ڕژێمی بەعس و ھاتنە سەرکاری ڕژێمی نوێ بە سەرپەرشتی ھاوپەیمانان کرا بە زمانی دووەمی عێراق و لە ھەموو دەزگا میریەکاندا کاری پێ دەکرێت .