ستاندەر
بەپێی راپۆرتێکی پێگەی (سپوتینک)ی روسی سێ رۆژ بەر لەئێستا وەڤدێکی بالای ئەمریکا سەردانی تورکیایان کردووە بۆ پاشگەزکردنەوەی تورکیا لەکرینی دژە موشەکی(ئێس ٤٠٠)لەرووسیا لەبەرامبەریشدا ئەمریکا ” پاتریۆت” بەتورکیا بفرۆشێت، بەلام بەپێی زانیاری پێگە روسیەکە تاوەکو ئێستا ئەمریکا و تورکیا لەسەر ئەم بابەتە رێكنەکەوتوون، لەلایەکی تر هاوپەیمانی باکوری ئەتڵەسی(ناتۆ) رازی نییە بە فرۆشتنی پاتریۆت لەلایەن ئەمریکاوە بەتورکیا تەنها بەمەرجی ئەوە نەبێت کە تورکیا پاشگەز بێتەوە لە کرینی (ئێس٤٠٠) ی دژە موشەک لەروسیا.
پێشتر وەزيری دەرەوەی تورکيا “مەولود چاوش ئۆغلۆ” رايگەياندبوو: ئەوان پاشگەزنابنەوە لەکرينی دژە موشەکی “ئێس٤٠٠” لەروسيا.
چاودێرانی دۆخی تورکيايش پێيان وايەئەگەر تورکيا پێداگری بکات لەکرينی ئێس ٤٠٠ روسی، ئەواپەيوەنديەکانی نێوان ئەو وڵاتەو ئەمريکا بەرەوخراپتر دەچێت.