ستاندەر
- نازم دەباغ نوێنەری حوکمەتی هەرێم لەئێران بەدەنگی ئەمریکای راگەیاندووە: تاوەکوئیشتا فرۆشتنی نەوت لەلایەن هەرێمەوە بەئێران بەردەوامە، دەباغ ئاشکراشی کردووە تاوەکوئێستا ئەم نەوتە بەرێگەی بارهەڵگر لەرێگەی دەروازە سنورییەکانی” حاجی ئۆمەران، پاشماخ و پەروێزخان”ەوە دەگوازرێتەوە بۆ ئێران.
ئەم وتانەی دەباغ لەکاتێکدایە هەفتەی رابردوو، دۆناڵد ترەمپ سەرۆکی ئەمریکا لە کۆبوونەوەی لەگەل ستافی حوکمەتی وڵاتەکەی رایگەیاندبوو: کوردەکان کەمێک نەوتیان هەیە و دەشیفرۆشن بەئێران ئەوەش ئێمەی نیگەران کردووە.
لەبارەی لێدوانەکەی ترەمیشەوە دەباغ بەدەنگی ئەمریکای گوتووە؛ بەدوری نازانم مەبەستی قسەکانی ترەمپ لەسەر کوردی باشور بووبێت.