ستانده‌ر
ئەحمەدی حاجی ڕەشید سەرۆکی فراکسیۆنی کۆمەڵ لەئەنجومەنی نوینەرانی عێراق لەنوسینێکیدا کە لە پەڕەی تایبەتی خۆی لە فەیسبوک بڵاویکردۆتەوە ئاماژەی بە بەرەوپێشچونەکانی پڕۆژە بودجەی عێراق بۆ سالی ٢٠١٩ کردووە، و نوسیویه‌تی كه نه‌رمییه‌كی ھەست پیکراو ھەیە سەبارەت بەموچەی فەرمانبەران و پیشمەرگە، باسی لەوەشكردووه کە موچە لەلای ئەوان خاڵی سورەو دەبیت بدرێت.
ئەحمەدی حاجی ڕەشید باسی لەوەشکردووە کە پرۆژە یاساکە لەرووی تیکستەوە تەواو بوە تەنھا خاڵە ناکۆکەکان ماون سبەی موناقەشەی دەکەین لە ناویاندا موچەی ھەرێم.
ھەروەھا دەڵێـت له پڕؤژه‌كه‌دا توانراوە دەقێکی تایبەت بەگەنمی جوتیاران دابنرێت بەو پێیە وەزارەتی دارایی پارەی (۲٠۱٤_۲٠۱٥_۲٠۱٦) تەرخان بکات بۆ ئەوەی شایستەکانی جوتیارانی پیبدریت.